భార్యాభర్తలిద్దరితో.. మైత్రీ టీమ్ భలే ప్లాన్ చేసిందిగా..!

టాలీవుడ్ అగ్ర నిర్మాణ సంస్థల్లో ఒకటైన మైత్రీ మూవీ మేకర్స్ డజను ప్రాజెక్ట్స్ లైన్ లో పెట్టి దూకుడు చూపిస్తోంది. ఈ క్రమంలో క్రేజీ కాంబినేషన్స్ సెట్ చేయడంతో పాటు కొత్త నటీనటులను సాంకేతిక నిపుణులను ఇండస్ట్రీకి పరిచయం చేస్తున్నారు. ఈ క్రమంలో మలయాళ స్టార్ ఫ‌హాద్ ఫాజిల్ - నజ్రియా ఫ‌హాద్ లను టాలీవుడ్ కు తీసుకొస్తున్నారు మైత్రీ టీమ్. 'రాజా రాణి' సినిమాతో నజ్రియా.. 'ట్రాన్స్' వంటి డబ్బింగ్ సినిమాతో ఫహాద్ తెలుగు ప్రేక్షకులకు సుపరిచితమే. అయితే ఇప్పుడు మొదటి సారి ఈ టాలెంటెడ్ యాక్టర్స్ ఇద్దరూ స్ట్రెయిట్ తెలుగు సినిమాలలో నటిస్తున్నారు.

సుకుమార్ - అల్లు అర్జున్ కాంబినేషన్ లో మైత్రీ మూవీ మేకర్స్ రూపొందిస్తున్న యాక్షన్ ఎంటర్టైనర్ 'పుష్ప'. ఈ చిత్రంలో మెయిన్ విలన్ గా నేషనల్ అవార్డ్ విన్నర్ ఫ‌హాద్ ఫాజిల్ నటించబోతున్నాడని అధికారికంగా ప్రకటించారు. ఇక ఫ‌హాద్ భార్య నజ్రియా కూడా మైత్రీ బ్యానర్ లోనే టాలీవుడ్ లో ఇంట్రడ్యూస్ అవుతుండటం గమనార్హం. నేచురల్ స్టార్ హీరోగా డైరెక్టర్ వివేక్ ఆత్రేయ తెరకెక్కిస్తున్న 'అంటే.. సుందరానికీ!' సినిమాలో నజ్రియా హీరోయిన్ గా నటించనుంది. ఇలా భార్యాభర్తలిద్దరూ మైత్రీ బ్యానర్ ద్వారా ఇండస్ట్రీలో అడుగుపెడుతున్నారు. దీని కోసం వీరికి మంచి రెమ్యూనరేషనే ముట్టజెప్పారని సమాచారం. మరి తెలుగులో ఈ స్టార్ కపుల్స్ ఎలాంటి గుర్తింపు తెచ్చుకుంటారో చూడాలి.

ఇకపోతే ఫ‌హాద్ ఫాజిల్ 'పుష్ప' షూట్ లో ఏప్రిల్ మొదటివారంలో జాయిన్ అవుతాడని తెలుస్తోంది. తమిళనాడులోని టెన్ కాశీలో బన్నీ - ఫ‌హాద్ లపై కొన్ని కీలక సన్నివేశాలు చిత్రీకరించాడని సుక్కు అండ్ టీమ్ ప్లాన్ చేస్తోందట. అలానే 'అంటే.. సుందరానికీ!' సినిమా షూటింగ్ కూడా త్వరలోనే ప్రారంభం కానుంది.