ప‌రువు నష్టం దావా వేస్తాన‌న్న న‌టుడు

శృంగార తార స‌న్నీలియోన్ బాలీవుడ్ లో ప్ర‌వేశించిన త‌ర్వాత సంచ‌ల‌నాల గురించి తెలిసిందే. ఆ క్ర‌మంలోనే త‌న‌కు ప‌రిశ్ర‌మ‌లో ఎన్నో అవ‌మానాలు ఎదుర‌య్యాయ‌ని.. కొంద‌రు చిన్న చూపు చూశార‌ని కూడా ఆరోపించింది. తాజాగా ఓ వెట‌ర‌న్ న‌టుడు త‌న‌ని హాట్ ఫోటో ఇవ్వ‌మ‌ని.. వ్య‌క్తిగ‌త‌ ఫోన్ నంబ‌ర్ ఇవ్వాల‌ని అడిగాడ‌ని ప‌బ్లిక్ ఈవెంట్లో అత‌డి పేరు వెల్ల‌డించ‌డం సంచ‌ల‌న‌మైంది. ప్రఖ్యాత డ‌బు రత్నాని కేలెండర్ ఆవిష్కరణ వేడుక‌లో పాల్గొన్న స‌న్నీ.. సీనియర్ నటుడు కబీర్ బేడీ త‌న‌ ఫోటోలు బావున్నాయ‌ని పొగిడేసి తన పర్సనల్ ఫోన్ నంబర్ కావాలని అడిగార‌ని అన‌డం ఇండ‌స్ట్రీ వ‌ర్గాల్ని వేడెక్కిస్తోంది. అంతటి జెంటిల్మ‌న్ .. సీనియర్ నటుడు నంబర్ అడగడంతో ఇవ్వను అని గట్టిగా చెప్పలేక హ‌బ్బీ డేనియ‌ల్ వెబ‌ర్ ఫోన్ నంబ‌ర్ ఇచ్చి త‌ప్పించుకుంద‌ట‌.

అయితే స‌న్నీలియోన్ వ్యాఖ్యల్ని ఖండించిన స‌ద‌రు సీనియ‌ర్ న‌టుడు సీరియ‌స్ అయ్యాడు. అంతేకాదు.. త‌న‌పై ప‌రువున‌ష్టం దావా వేస్తాన‌ని హెచ్చ‌రించారు. ``నేను సన్నీ లియోన్ నంబర్ అడిగాన‌న్న మాట నిజం కాదు. నాకు పరువు నష్టం కలిగించే వ్యాఖ్య‌ల‌వి. డ‌బూ రత్నాని పార్టీలో నేను ఆమె భర్త డేనియల్ వెబర్ నంబర్ మాత్ర‌మే అడిగాను. అతను నా ఫోన్ లో నంబ‌ర్ ని ఫీడ్ చేశాడు. స్పాట్ బోయ్ పేరుతో ఆ ప‌త్రిక‌ భయంకరమైన ప్ర‌చారం చేసింది. ఆ వార్త‌ను తొల‌గించి నాకు క్షమాపణ చెప్పాలి`` అంటూ ఆయన ట్వీట్ చేశారు. ఇక డేనియ‌ల్ వెబ‌ర్ సైతం క‌బీర్ భేడీ మాట‌ల్ని స‌మ‌ర్థించారు. ఆయ‌న‌పై ఆ పత్రిక అలా ప్ర‌చురించ‌డం స‌రికాద‌ని అన్నారు. స‌న్నీలియోన్ తో త‌న‌కు ఇప్ప‌టికే ప‌రిచ‌యం ఉంద‌ని కూడా అన్నారు.

ఇక క‌బీర్ భేడీ ప్ర‌స్థానం గురించి ప‌రిశీలిస్తే..ఆయ‌నో రాజ‌వంశీకుడు. 74 ఏళ్ల ఈ స్టార్ టీవీ సిరీస్ `సాందోకన్`తో పాపుల‌ర్. ఇట‌లీ క‌నెక్ష‌న్ ఉన్న ఆయ‌న భార‌తీయ సినిమాల్లో న‌టించిన అంత‌ర్జాతీయ న‌టుడిగా గుర్తింపు తెచ్చుకున్నారు. జేమ్స్ బాండ్ సినిమాల్లో విల‌న్ గానూ ఆయ‌న‌కు గుర్తింపు ఉంది. ది బోల్డ్ అండ్ ది బ్యూటిఫుల్ - మిస్టరీ సిరీస్ మర్డర్- షీ రాట్ -మాగ్నమ్ పిఐ వంటి అనేక అంతర్జాతీయ టీవీ షోలలో మిస్టర్ బేడి క‌నిపించారు. ఖూన్ భరి మాంగ్- కైట్స్- మె హూన్ నా- దిల్‌వాలే - మొహెంజో దారో లాంటి చిత్రాల్లో ఇటీవ‌ల న‌టించారు. 2018 లో సాహెబ్- బివి ఔర్ గ్యాంగ్ స్ట‌ర్స్ 3 లో న‌టించాడు. క‌బీర్ భేడీ - పూజా భేడీ జంట కుమార్తె ఆల‌య ఫ‌ర్నీచ‌ర్ వాలా ఇటీవ‌లే సైఫ్ ఖాన్ జ‌వానీ జానెమాన్ చిత్రంలో న‌టించిన సంగ‌తి తెలిసిందే.