Begin typing your search above and press return to search.
మైండ్ ఇట్ అంటున్న మధునందన్!
By: Tupaki Desk | 21 Nov 2018 5:04 PM GMT
ఈమధ్యే రిలీజ్ అయిన 'టాక్సీవాలా' సినిమాలో విజయ్ దేవరకొండ స్నేహితుడి పాత్రలో నటించిన కమెడియన్ మధునందన్ అందరి దృష్టిని ఆకర్షించాడు. బడ్జెట్ లెక్కలేస్తూ.. ఆ కారు కొనద్ధురా.. అంటూ హెచ్చరించే మంచి స్నేహితుడి పాత్రలో నటించిన మధునందన్ రీసెంట్ గా ఒక యూట్యూబ్ ఛానల్ కు ఇంటర్వ్యూ ఇస్తూ ఇంట్రెస్టింగ్ విషయాలు వెల్లడించాడు.
ఈ ఇంటర్వ్యూ ప్రోమోలో వాటిలో కొన్ని శాంపిల్స్ చూపించారు. ఫిమేల్ యాంకర్ తో మాట్లాడుతూ "ఇలాంటి ప్రశ్నలు అడుగుతారని తెలిస్తే ఇక్కడకు వచ్చి ఉండేవాడిని కాదు. ప్లీజ్.. మైండ్ ఇట్!" అంటూ ఆవేశంగా చెప్పాడు. ఇక విజయ్ తో 'టాక్సీవాలా' సినిమా అనుభవం గురించి మాట్లాడుతూ "అర్జున్ రెడ్డి.. గీత గోవిందం సక్సెస్ తర్వాత విజయ్ అని పిలవాలా.. విజయ్ గారు అని పిలవాలా అనే అనుమానం వచ్చింది. కానీ విజయ్ మాత్రం ఎప్పుడూ తను స్టార్ లాగా బిహేవ్ చెయ్యలేదు" అన్నాడు.
మధునందన్ రామ్ చరణ్ సినిమా 'వినయ విధేయ రామ' లో నటిస్తున్నాడు. ఆ సినిమా గురించి అడిగితే "ఒక గుడిలో షూటింగ్ చేస్తున్నాం. స్టైలిస్ట్ చరణ్ హెయిర్ ను సరి చేస్తున్నాడు. నేను పక్కనే నిలబడి చరణ్ అబ్జర్వ్ చేస్తున్నాను. అప్పుడు నాకు తన దువ్వెనను ఇచ్చాడు. సహజంగా ఏ స్టార్ కూడా అలా తన దువ్వెనను ఇవ్వడు.. చరణ్ చాలా ఫ్రెండ్లీ అన్నాడు.
ఇక జనసేన పార్టీకి మీ మద్దతు కావాలంటే మద్దతు ఇస్తారా అని అడిగితే "ఐ కాంట్.. ఐ విల్ నాట్" అన్నాడు. సెట్ లో తిట్టాలనిపించిన డైరెక్టర్ ఎవరు అని అడిగితే "తేజ గారు" అని చెప్పాడు. తెలంగాణా లో ఎలెక్షన్స్ వస్తున్నాయి. ఎవరు గెలుస్తారు.. టీఆరెస్సా లేదా మహా కూటమా అని ఆడిగితే ఏదో చెప్పాడుగానీ ప్రోమోలో చూపించలేదు. ఇదీ ఇంటర్వ్యూ లో మన మధునందన్ వరస. మరి నిజంగానే మధునందన్ ఇలా మాట్లాడాడా.. లేదా యూట్యూబ్ ఛానల్ వారు తెలివిగా ఇలా ఇంటర్వ్యూ ను అటూ ఇటూ మార్చి ను ఎడిట్ చేసి పెట్టారా అని తెలియాలంటే ఫుల్ ఇంటర్వ్యూ చూడాల్సిందే. ఏదేమైనా ఈ ప్రోమో మాత్రం ఇంటర్వ్యూ పై ఆసక్తిని రేకెత్తిస్తోంది!!
