పందెం కోడి కూడా అదే బాట ప‌డుతోందే

ఇప్పుడు సౌత్‌, నార్త్ ఎక్క‌డ చూసినా.. ఏ హీరో గురించి విన్నా వినిపిస్తున్న ఒకే ఒక్క మాట పాన్ ఇండియా. స్టార్ హీరోల నుంచి యంగ్ హీరోల వ‌ర‌కు ఇదే పాట పాడేస్తున్నారు. పాన్ ఇండియా సినిమాల‌తో రెడీ అయిపోతున్నారు. ఇప్ప‌టికే చాలా చిత్రాలు పాన్ ఇండియా వైడ్ గా విడుద‌ల‌కు సిద్ధ‌వుతున్న వేళ మ‌రో హీరో కూడా బాస్ రేస్ లో నేను కూడా వున్నానంటూ బుధ‌వారం ప్ర‌క‌టించేశాడు. వివ‌రాల్లోకి వెళితే.. `పందెంకోడి` చిత్రంతో తెలుగు, త‌మిళ భాష‌ల్లో యాక్ష‌న్ హీరోగా పేరు తెచ్చుకున్న‌ విశాల్ కూడా ఇదే బాట‌లో ప‌య‌నిస్తున్నాడు.

ఆయ‌న న‌టిస్తున్న తాజా చిత్రం `లాఠీ`. ఏ. వినోద్ కుమార్ ద‌ర్శ‌క‌త్వం వ‌హిస్తున్నారు. రానా ప్రొడ‌క్ష‌న్స్ బ్యాన‌ర్ పై ర‌మ‌ణ‌, నందా ఈ చిత్రాన్ని నిర్మిస్తున్నారు. సున‌య‌న హీరోయిన్ గా న‌టిస్తోంది. భారీ స్థాయిలో రూపొందుతున్న ఈ మూవీని తమిళ‌, తెలుగు, మ‌ల‌యాళ‌, క‌న్న‌డ‌, హిందీ భాష‌ల్లో పాన్ ఇండియా వైడ్ గా విడుద‌ల చేయ‌బోతున్నారు. హై వోల్టేజ్ యాక్ష‌న్ ఎంట‌ర్ టైన‌ర్ గా రూపొందుతున్న ఈ మూవీ కీల‌క యాక్ష‌న్ ఘ‌ట్టాల‌ని ప్ర‌స్తుతం హైద‌రాబాద్ లో చిత్రీక‌రిస్తున్నారు.

క్రేజీ ఫైట్ మాస్ట‌ర్ పీట‌ర్ హెయిన్ ఈ పోరాట ఘ‌ట్టాల‌ని చిత్రీక‌రిస్తున్నారు. ఈ సంద‌ర్భంగా చిత్ర బృందం బుధ‌వారం హీరో విశాల్ ఫ‌స్ట్ లుక్ ని విడుద‌ల చేశారు. ఖాకీ డ్రెస్ లో లాఠీ ప‌ట్టుకుని ఒళ్లంతా గాయాల‌తో ర‌క్తం కారుతున్న విశాల్ లుక్ ఇంట్రెస్టింగ్ వుంది. ఒక హ్యాండ్ కి గాయం కావ‌డంతో చేతికి క‌ట్టుక‌ట్టుకుని మ‌రో చేత్తో లాఠీ ప‌ట్టుకుని క‌నిపిస్తున్న విశాల్ కు లేజ‌ర్ గ‌న్స్ పాయింట్ చేసి వుండ‌టం ఆస‌క్తిని రేకెత్తిస్తోంది. ఓ ప‌వ‌ర్ ఫుల్ పోలీస్ ఆఫీస‌ర్ క‌థ‌గా ఈ చిత్రాన్ని తెర‌కెక్కిస్తున్నారు. ఇటీవ‌ల ఓ నూత‌నంగా నిర్మాణం జ‌రుపుకుంటున్న బిల్డింగ్ లో ఒళ్లు గ‌గుర్పొడిచే పోరాట ఘ‌ట్టాల‌ని చిత్రీక‌రించారు.

ఈ స‌న్నివేశాల్లో హీరో విశాల్ కు స్వ‌ల్ప గాయాలు కూడా అయ్యాయి. అయినా స‌రే హీరో విశాల్ సినిమాపై వున్న న‌మ్మ‌కంతో ఎలాంటి బ్రేక్ తీసుకోకుండా మిగ‌తా భాగాన్ని కంటిన్యూగా షూట్ చేసి పూర్తి చేశారు. దీంతో టీమ్ ఊపిరి పీల్చుకుంది. యువ‌న్ శంక‌ర్ రాజా సంగీతం అందిస్తున్న ఈ చిత్ర ఫ‌స్ట్ లుక్ పోస్ట‌ర్ పై `చాప్ట‌ర్ ఆఫ్ ఎనిమిటీ` అని క్యాప్ష‌న్ ఇచ్చారు. రేసీ యాక్ష‌న్ థ్రిల్ల‌ర్ గా రూపొందుతున్న ఈ చిత్రంలో ప‌వ‌ర్ ఫుల్ యాక్ష‌న్ ఎపిసోడ్ ల‌ని ప్లాన్ చేశారు.

సినిమా సెకండ్ హాఫ్ లో 45 నిమిషాల పాటు సాగే హై వోల్టేజ్ యాక్ష‌న్ బ్లాక్స్ సినిమాకు ప్ర‌ధాన హైలైట్ గా నిలుస్తాయ‌ని మేక‌ర్స్ చెబుతున్నారు. ప‌వ‌ర్ ఫుల్ యాక్ష‌న్ డ్రామాగా రూపొందుతున్న ఈ మూవీకి పీట‌ర్ హెయిన్‌, దీలీప్ సుబ్బ‌రాయ‌న్ యాక్ష‌న్ ఘ‌ట్టాల‌ని రూపొందిస్తున్నారు. వీరిద్ద‌రు కంపోజ్ చేసిన యాక్ష‌న్ సీన్స్ రోమాంచితంగా వుంటాయ‌ట‌. భారీ యాక్ష‌న్ డ్రామాగా రూపొందుతున్న ఈ మూవీ కి కెమెరా బాల‌సుబ్ర‌మ‌ణియ‌న్‌, సంగీతం సామ్ సీఎస్‌, ర‌చ‌న పోన్ పార్తీబ‌న్‌.