మెగా వాల్తేరు లో వరల్డ్‌ ఫేమస్ లవర్‌ జాయిన్‌..!

మెగా స్టార్‌ చిరంజీవి వరుస సినిమాలతో టాలీవుడ్ బాక్సాఫీస్ ను షేక్‌ చేసేందుకు రాబోతున్నాడు. ఈ సమ్మర్ లో ఆచార్య సినిమాలో ప్రేక్షకుల ముందుకు రాబోతున్న చిరంజీవి బ్యాక్ టు బ్యాక్ గాడ్ ఫార్‌.. భోళా శంకర్‌ మరియు వాల్తేరు వీరన్న సినిమాలతో కొన్ని నెలల గ్యాప్ లోనే రాబోతున్నాడు. ఈ మూడు సినిమాలు కూడా షూటింగ్‌ దశలో ఉన్నాయి. గాడ్‌ ఫాదర్ ముగింపు దశకు చేరుకున్నట్లుగా సమాచారం అందుతోంది.

గాడ్ ఫాదర్‌ సినిమాకు తమిళ దర్శకుడు మోహన్ రాజా దర్శకత్వం వహిస్తూ ఉండగా భోళా శంకర్ సినిమాకు మెహర్ రమేష్ దర్శకత్వం వహిస్తున్న విషయం తెల్సిందే. ఈ రెండు రీమేక్‌ చిత్రాలు కాగా బాబీ దర్శకత్వంలో రూపొందుతున్న వాల్తేరు వీరన్న(టైటిల్ ఇంకా కన్ఫర్మ్‌ అవ్వలేదు) మాత్రం ఓన్‌ స్టోరీ. ఇప్పటికే వాల్తేరు వీరన్న సినిమా లో రవితేజ కీలక పాత్రలో కనిపించబోతున్నట్లుగా వార్తలు వస్తున్నాయి.

గెస్ట్‌ రోల్‌ కు కాస్త ఎక్కువే అన్నట్లుగా వాల్తేరు వీరన్న సినిమా లో రవితేజ కనిపించబోతున్నాడు. గత రెండు రోజులుగా హైదరాబాద్‌ లోని అల్యూమీనియం ఫ్యాక్టరీ లో సినిమా చిత్రీకరణ జరుపుతున్నారు. చిరంజీవి మరియు రవితేజ లతో పాటు ఈ షూట్‌ లో కేథరిన్ థెర్సా జాయిన్‌ అయ్యింది. ఈ సినిమా లో హీరోయిన్ గా శృతి హాసన్ అంటూ అధికారికంగా ప్రకటన వచ్చింది. కనుక కేథరిన్ ను ఈ సినిమా లో రవి తేజకు జోడీగా చూపించే అవకాశాలు ఉన్నాయి.

రవితేజ పాత్ర చాలా చిన్నది అనే విషయం ను యూనిట్‌ సభ్యులు అనధికారికంగా చెబుతున్నారు. ఇప్పుడు ఆయన పాత్ర కు జోడీగా కేథరిన్ నటిస్తుంది అంటూ వార్తలు వస్తున్న నేపథ్యంలో ఆమె పాత్ర మరింత తక్కువ ఉండే అవకాశం ఉంది. చిన్న పాత్ర అయినా కూడా కేథరిన్ కనుక వాల్తేరు వీరన్న సినిమాలో కనిపిస్తే ఖచ్చితంగా మళ్లీ ఆమె కెరీర్ స్పీడ్ అందుకునే అవకాశాలు ఉన్నాయి.

తెలుగు ప్రేక్షకులను ఇద్దరమ్మాయిలతో.. సరైనోడు మరియు విజయ్ దేవరకొండ వరల్డ్ ఫేమస్ లవర్ సినిమాలతో అలరించిన కేథరిన్ ఈమద్య కాలంలో కాస్త స్లో అయ్యింది. ఇప్పుడు కూడా రెండు మూడు సినిమాల్లో నటిస్తుంది కాని అవేవి ఈమె స్థాయిని పెంచేవి కావు అంటూ ఇండస్ట్రీ వర్గాల వారు అభిప్రాయం వ్యక్తం చేస్తున్నారు. కేథరిన్ కు చిరు సినిమా ఖచ్చితంగా పూర్వ వైభవంను తెచ్చి పెడుతుంది అంటూ విశ్లేషకులు నమ్మకం వ్యక్తం చేస్తున్నారు.