రోజా రియ‌ల్ లైఫ్ కాదు క‌దా?

హిస్ట‌రీ లో నిలిచి పోయే క్యారెక్ట‌ర్లు ఎలా పుట్టుకొస్తాయి? అస‌లు క్యారెక్ట‌రైజేష‌న్‌ లో ఫ‌లానా ఫ్లేవ‌ర్ ఉండాలి అంటే దానికి ఏం చేయాలి? ఇలా ప్ర‌శ్నించుకున్నాడో ఏమో .. బోయ‌పాటి శ్రీ‌ను ఈసారి ఓ ఇంట్రెస్టింగ్ క్యారెక్ట‌ర్‌ నే తెలుగు ప్రేక్ష‌కుల‌కు ప‌రిచ‌యం చేయ‌బోతున్నాడు. పొగ‌రుగా ఉండాలి. ప‌ద‌విలో ఉండాలి. హీరోతో గొడ‌వ పెట్టుకునేదై ఉండాలి. హీరోకి ప్రేమికురాలై , ర‌సిక‌రమ‌ణీమ‌ని అయ్యి ఉండాల‌ని ఆ క్యారెక్ట‌ర్‌ ని రాసుకున్న‌ట్టున్నాడు... అందుకే ఇప్పుడు బ‌న్ని సినిమా హీరోయిన్ క్యాథ‌రిన్ గురించి ర‌క‌ర‌కాల పుకార్లు శికారు చేస్తున్నాయి.

బోయ‌పాటి తెర‌కెక్కిస్తున్న‌ స‌రైనోడు చిత్రంలో క్యాథ‌రిన్ ఓ గ‌డుసైన ఎమ్మెల్యే పాత్ర‌లో న‌టిస్తోంద‌ని చెబుతున్నారు. ముక్కుమీద కోపం ఉండే ఎమ్మెల్యే గా, ప్ర‌త్యర్థిని చీల్చి చెండాడేసే ఎమ్మెల్యే గా బోయ‌పాటి క్యాథ‌రిన్‌ ని చూపిస్తున్నాడుట‌. ఈ ల‌క్ష‌ణాల‌న్నీ చూస్తుంటే .. అచ్చం రోజా నిజ‌జీవితాన్ని త‌ల‌పిస్తున్న‌ట్టు అనిపించ‌డం లేదూ... రోజా కూడా ఓ గ‌డుసు ఎమ్మెల్యే. ప్ర‌త్య‌ర్థిని బూతులు కూడా తిడుతుంది. మొద‌ట టీడీపీ లో చేరి ప్ర‌జారాజ్యంని టార్గెట్ చేసి రెచ్చిపోయేవారు. ఇవ‌న్నీ ఒక‌వేళ బోయ‌పాటి తెలివి గా క్యాథ‌రిన్ క్యారెక్ట‌ర్‌ లోకి ప్ర‌వేశ‌పెట్టి ఉంటాడ‌న్న‌మాట‌! బాప్‌రే!