ఆంటీ పాత్ర‌ల‌కు సిద్ధ‌మా పావుర‌మా?

`నువ్వేకావాలి` చిత్రంలో లైలా స్పెష‌ల్ సాంగ్ (లైలా లైలా ఆగలేను అన్నాడే.. ఇంకా చెలియా ఏది ఏది చేసాడే...) ఇప్ప‌టికీ ఆల్ టైమ్ ఫేవ‌రెట్ సాంగ్స్ లో ఉంటుంది. కెరీర్‌లో టాప్ హీరోయిన్ గా యువ‌త‌రం గుండెల్లో నిలిచిన లైలా.. ఎగిరే పావురమా- ఉగాది- పెళ్లి చేసుకుందాం- ఖైదీగారు- పవిత్రప్రేమ- శివ పుత్రుడు .. లాంటి హిట్ చిత్రాల్లో న‌టించి మెప్పించారు. ఎగిరే పావుర‌మా చిత్రంలో ఇద్ద‌రు ప్రేమికుల మ‌ధ్య న‌లిగే అమ్మాయిగా న‌టించిన తీరు.. శివ‌పుత్రుడు చిత్రంలో అల్ల‌రి స్కూల్ గాళ్ పాత్ర‌లో అభిన‌యించిన తీరును యువ‌త‌రం మ‌ర్చిపోలేరు.

2006లో బిజినెస్‌మేన్‌ మెహ్ దిన్ ని పెళ్లాడి సినిమాలకు దూర‌మ‌య్యారు. దాదాపు 12ఏళ్ల త‌ర్వాత ఇప్పుడు తిరిగి లైలా రీఎంట్రీ ఇచ్చేందుకు స‌న్నాహ‌కాల్లో ఉన్నారు. ఆ క్ర‌మంలోనే ఎప్ప‌టిక‌ప్పుడు లేటెస్ట్ ఫోటోషూట్స్ తో లైలా అభిమానుల‌కు ట‌చ్ లోకి వ‌స్తున్నారు. సామాజిక మాధ్య‌మాల ద్వారా తిరిగి త‌న‌ని తాను ప్ర‌మోట్ చేసుకునే ప‌నిలో ఉన్నారు. ఎర్ర కోక .. ప‌చ్చ ర‌వికె కాంబినేష‌న్ తో ఒక్క‌సారిగా గుబులు రేపిన లైలా .. చీక్లెట్ క‌ళ్ల‌తో .. హ‌త్తుకుపోయే చిరున‌వ్వుతో స్పెల్ బౌండ్ చేసేస్తున్నారంటే న‌మ్మండి.

న‌దియా-ఇంద్ర‌జ‌- భూమిక- రోహిణి త‌ర‌హాలోనే లైలా పున‌రారంగేట్రంలో క్యారెక్ట‌ర్ ఆర్టిస్టు కావాల‌నుకుంటున్నారు కాబ‌ట్టి త‌న‌కు ఆంటీ ఛాన్సులు వ‌స్తే న‌టిస్తారా? అన్న‌ది చూడాలి. మునుముందు ద‌ర్శ‌క‌త్వం వ‌హించే ఆలోచన ఉంద‌ని ఓ ఇంట‌ర్వ్యూలో వెల్ల‌డించారు. ``సౌత్‌లో మ‌ళ్లీ ఛాన్సులొస్తున్నాయి. మంచి పాత్ర‌లు వ‌స్తే న‌టిస్తాను. నెగెటివ్ షేడ్ ఉన్న‌వి అయితే ఇంకా స‌ర‌దాగా ఉంటుంది`` అంటూ లైలా ఇటీవ‌లే ఓ ఇంట‌ర్వ్యూలో వెల్ల‌డించారు. త్రివిక్ర‌మ్‌- కొర‌టాల‌- బోయ‌పాటి- సురేంద‌ర్ రెడ్డి .. ఇంత‌కీ ఈ పావురానికి రీఎంట్రీ ఛాన్సిచ్చేదెవ‌రో?