ఆ ఒక్కటీ దెబ్బేస్తే ఇక మెహ్రీన్ కు కష్టమే!

మెహ్రీన్ గురించి తెలుగు సినీ ప్రేక్షకులకు పెద్దగా పరిచయం అక్కర్లేదు. నాని హీరోగా నటించిన కృష్ణగాడి వీర ప్రేమ గాధ సినిమాతో తెలుగు పరిశ్రమలోకి అడుగు పెట్టింది. ఆ తర్వాత వరుస సినిమాలు చేసి మంచి గుర్తింపు తెచ్చుకునే ప్రయత్నాలు చేసింది. కృష్ణగాడి వీర ప్రేమ గాధ సినిమాతో తెలుగు ప్రేక్షకులకు పరిచయం అయిన మెహ్రీన్.. ఆ తర్వాత వరుస సినిమాలతో ప్రేక్షకులను అలరిస్తూ వస్తుంది. తెలుగుతో పాటు తమిళ, హిందీ, పంజాబీలో పలు సినిమాలు చేసిన ఈ భామ.. అన్ని చోట్లా సక్సెస్ ఫుల్ హీరోయిన్​గా గుర్తింపు అయితే తెచ్చుకుంది.

కొంత కాలం క్రితం హరియాణా మాజీ ముఖ్యమంత్రి మనవడితో ఎంగేజ్మెంట్ కూడా అయింది. మరి ఏమైందో తెలియదు కానీ... ఆ తర్వాత పెళ్లి క్యాన్సిల్ చేసుకున్నట్లు ప్రకటించింది. వ్యక్తిగత విషయాలను పక్కన తను చేసిన సినిమా ఎఫ్​-2 బాగానే ఆడింది. అనిల్ రావిపూడి దర్శకత్వం వహించిన ఈ సినిమాలో వెంకటేష్, వరుణ్ తేజ్ హీరోలుగా నటించారు. వెంకటేష్ సరసన తమన్నా, వరుణ్ తేజ్​కు జోడిగా మెహ్రీన్ నటించారు. అయితే దానికి సీక్వెల్​గా గతేడాది ఎఫ్-3 సినిమా వచ్చింది. దిల్ రాజు నిర్మించిన ఈ సినిమా ప్రేక్షకులకు కనెక్ట్ కాలేకపోయింది. మెహ్రీన్ నటన చూసి ఓవర్ యాక్టింగ్ చేసిందనే కామెంట్స్ కూడా వచ్చాయి. ఎఫ్​2కు వచ్చినా.. క్రేజ్, ఎఫ్​3 కి రాలేకపోయింది.

ఇక ఎఫ్​3 బెడిసికొట్టడంతో ఈ భామకు అవకాశాలు తగ్గాయని తెలుస్తోంది. ప్రస్తుతం ఈ భామ తెలుగులో స్పార్క్​ అనే చిన్న సినిమా చేస్తోంది. ఈ సినిమాలో యంగ్ హీరో విక్రాంత్​ హీరోగా చేస్తున్నారు. ఈ సినిమాను భారీ బ‌డ్జెట్‌తో డెఫ్‌ ఫ్రాగ్‌ ప్రొడక్షన్ బ్యాన‌ర్‌పై నిర్మిస్తుండగా... ఈ చిత్రంపై ఈ భామ భారీ అంచనాలే పెట్టుకున్నట్లు తెలుస్తోంది. ఇది కనుక ఫ్లాప్ అయితే... మెహ్రీన్​ ఇక ఇండస్ట్రీలో నిలదొక్కుకోవడం కష్టమే అని చెప్పాలి.

అయితే మెహ్రీన్ కమర్షియల్ సినిమాలను పక్కన పెట్టి... కొంచెం కంటెంట్ ఉన్న సినిమాలు చేస్తే... ఫ్యూచర్ ఉంటుందని సినీ విశ్లేషకులు అంటున్నారు. చూద్దాం మరి ఈ భామ ఎలాంటి సినిమాలు చేస్తుందో!