ఎంగేజ్ మెంట్‌ బ్రేక్‌ తర్వాత వరుస ఆఫర్లు

నాని కృష్ణ గాడి వీర ప్రేమ గాథ చిత్రంతో హీరోయిన్ గా పరిచయం అయిన ముద్దుగుమ్మ మెహ్రీన్ ఆ తర్వాత వరుసగా సినిమాల్లో నటించింది. హీరోయిన్ గా ఎంట్రీ ఇచ్చిన తదుపరి సంవత్సరంలో ఈ అమ్మడు ఏకంగా అయిదు ఆరు సినిమాల్లో నటించింది. తెలుగు.. తమిళం మరియు హిందీల్లో కూడా ఈ అమ్మడికి ఆఫర్లు వచ్చాయి. అయితే అదృష్టం బాగా లేక ఈ అమ్మడు నటించిన సినిమాలు కమర్షియల్‌ గా బిగ్గెస్ట్‌ సక్సెస్ ను దక్కించుకోవడంలో విఫలం అయ్యాయి. అయినా కూడా సినిమాల్లో ఆఫర్లు వచ్చాయి. ఆ తర్వాత మెల్ల మెల్లగా ఆఫర్లు తగ్గుముఖం పట్టడంతో ఈమె పెళ్లికి సిద్దం అయ్యిందనే వార్తలు వచ్చాయి. సినిమా ఆఫర్లు లేకనో లేదా మరే కారణమో కాని పెళ్లికి సిద్దం అవ్వడం.. ఎంగేజ్ మెంట్ కూడా చేసుకోవడం జరిగింది. కాని కొన్ని కారణాల వల్ల ఎంగేజ్ మెంట్‌ ను క్యాన్సిల్‌ చేసుకుంది. ఎంగేజ్ మెంట్‌ క్యాన్సిల్‌ కు అనేక కారణాలు వినిపించాయి. వాటిలో ఎది నిజం అనేది వారికే తెలియాలి. పెళ్లి తర్వాత కూడా సినిమాల్లో నటించాలనుకున్న ఈమెకు ఎంగేజ్ మెంట్‌ బ్రేక్ అవ్వడంతో సినిమాల్లో ఆఫర్ల విషయం మొదట అనుమానాలు వ్యక్తం అయ్యాయి. కాని ఈ అమ్మడు వరుసగా సినిమాల్లో కొత్తగా ఆఫర్లు దక్కించుకుంటూ అందరిని ఆశ్చర్యపర్చుతోంది.

తెలుగు లో ఈమె ఎఫ్‌ 3 సినిమాలో నటించడంతో పాటు మారుతి దర్శకత్వంలో ఒక సినిమాను చేసిన విషయం తెల్సిందే. ఆ సినిమా త్వరలో విడుదల కాబోతుంది. మరో వైపు రెండు కొత్త సినిమాలకు కూడా ఈమె కమిట్ అయ్యిందనే వార్తలు వస్తున్నాయి. అతి త్వరలోనే మరింత క్లారిటీ వచ్చే అవకాశం ఉంది. ఎంగేజ్ మెంట్‌ బ్రేక్‌ అయిన తర్వాత ఇప్పటి వరకు ఈ అమ్మడు అరడజనుకు పైగా సినిమాలను కమిట్ అయ్యిందనే వార్తలు వస్తున్నాయి. పెద్ద ఎత్తున అంచనాలున్న సినిమాల్లో కూడా ఈమెకు ఆఫర్లు దక్కుతున్నాయి. ఇక పై ఈమె వరుసగా పెద్ద సినిమాల్లో నటించే అవకాశాలు కూడా కనిపిస్తున్నాయి. తాజాగా ఈ అమ్మడు కన్నడ స్టార్‌ హీరో శివరాజ్ కుమార్‌ సరసన హీరోయిన్ గా నటించే అవకాశం దక్కించుకున్నట్లుగా సమాచారం అందుతోంది. కన్నడంలో స్టార్‌ హీరో అయిన శివ రాజ్ కుమార్‌ సరసన నటించే అవకాశం దక్కించుకోవడం అంటే అక్కడ స్టార్‌ హీరోయిన్‌ హోదాను దక్కించుకోవడమే అంటూ ఇండస్ట్రీ వర్గాల వారు అంటున్నారు.

ఆ సినిమా కనుక సక్సెస్ అయితే కన్నడంలో మెహ్రీన్ ఫుల్‌ బిజీ అవ్వడం ఖాయం. సౌత్‌ లో ఇప్పటికే తెలుగు మరియు తమిళం సినిమా ల్లో నటించిన మెహ్రీన్‌ తాజాగా కన్నడ సినిమా లో నటించే అవకాశం దక్కించుకుంది. ఇక త్వరలోనే మలయాళం సినిమాను కూడా చేస్తే సౌత్‌ లో అన్ని భాషల సినిమాలను అలాగే హిందీలో కూడా సినిమా చేసిన హీరోయిన్‌ ల జాబితాలో చేరిపోతుంది. మొత్తానికి పెళ్లి చేసుకుని ఉంటే ఇంతగా ఆఫర్లు వచ్చి ఉండేవి కావని... ఎంగేజ్ మెంట్‌ క్యాన్సిల్‌ అవ్వడం వల్లే ఈ అమ్మడికి ఈ స్థాయిలో ఆఫర్లు వస్తున్నాయి అంటూ ఇండస్ట్రీ వర్గాల వారితో పాటు నెటిజన్స్‌ కామెంట్స్ చేస్తున్నారు. నెట్టింట ఈమె ఫొటోలు రెగ్యులర్ గా ట్రెండ్‌ అవుతూనే ఉన్నాయి. ఈమె అందాల వింధు విషయంలో ఏమాత్రం వెనక్కు తగ్గదు. కనుక ఈమె కు వరుసగా ఆఫర్లు వస్తున్నాయని ఇండస్ట్రీ వర్గాల వారు కొందరు అభిప్రాయం వ్యక్తం చేస్తున్నారు.