క‌మ‌ల్ హాస‌న్ తో అలా ఒక్క ఛాన్స్ మిస్సయ్యా!

విశ్వ‌న‌టుడు లోక‌నాయ‌కుడు కమల్ హాసన్ ఇండస్ట్రీకి వచ్చి యాభై ఏళ్లు దాటింది. కెరీర్ లో ఎంద‌రో దిగ్గ‌జాలంటి క‌థానాయిక‌ల‌తో క‌లిసి ఆయ‌న పెర్ఫామెన్స్ అభిమానుల‌కు మ‌రపురాని ట్రీట్ ని ఇచ్చింది. విభిన్న పాత్ర‌ల్లో ప్ర‌తిభావంతులైన‌ కథానాయికలతో వందల సినిమాల్లో నటించాడు. కానీ 80ల నాటి స్టార్ హీరోయిన్ నదియాతో ఇప్పటి వరకు ఒక్క సినిమాలో కూడా నటించలేదనేది చాలా మందికి తెలియని విష‌యం.

సీనియ‌ర్ న‌టి నదియా ఇటీవ‌ల పాపుల‌ర్ క్యారెక్టర్ ఆర్టిస్ట్ గా రాణిస్తున్నా 80లలో క‌థానాయిక‌గా చాలా సినిమాలు చేసింది. అయితే కంబ్యాక్ బిగ్ బ్యాంగ్ తో క‌నెక్ట‌యింది. ప‌వ‌ర్ స్టార్ పవన్ కళ్యాణ్ తో చేసిన అత్తారింటికి దారేది సినిమాతో న‌దియా మంచి విజయాన్ని అందుకుంది.

మ‌రి క‌మ‌ల్ హాస‌న్ తో ఎందువ‌ల్ల‌ న‌టించ‌లేదు? అని నదియాను ప్ర‌శ్నించ‌గా తాజా చిట్ చాట్ లో ఆస‌క్తిక‌ర విష‌యం చెప్పారు. కమల్ హాస‌న్ తనతో సినిమా చేయమని అడిగినప్పుడల్లా త‌న‌కు ఎప్పుడూ కాల్షీట్లు లేవు అని.. విల‌క్ష‌ణ న‌టుడి స‌ర‌స‌న చాలా పెద్ద అవ‌కాశాల‌ను కోల్పోయాన‌ని వెల్ల‌డించారు.

నదియా ఇప్పుడు క‌నీసం క్యారెక్ట‌ర్ ఆర్టిస్టుగా అయినా కమల్ హాస‌న్ తో కలిసి ఒక చిత్రంలో నటించే అవకాశం కోసం ఎదురు చూస్తున్నానని తెలిపింది. న‌దియా తాజా ప్ర‌క‌ట‌న చూస్తుంటే .. క‌మ‌ల్ హాస‌న్ న‌టించ‌నున్న త‌దుప‌రి సినిమాల్లో త‌న‌కు స్కోప్ క‌నిపిస్తోంద‌నేది ఒక గుస‌గుస‌. సంచ‌ల‌నాల లోకేష్ క‌న‌గ‌రాజ్ `విక్ర‌మ్` ఫ్రాంఛైజీ స‌హా హెచ్.వినోద్ ద‌ర్శ‌క‌త్వం వ‌హించే సినిమాలో అయినా ఛాన్స్ ద‌క్కుతుంద‌ని అంచ‌నా వేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.