RX100 పాపాయి బుల్లెట్టుతో ఫోజులేల‌?

పాయ‌ల్ లైఫ్ లో ఎన్న‌టికీ మ‌ర‌పురాని తీపి జ్ఞాప‌కం RX100. ఈ సినిమా వ‌ల్ల‌నే ఈరోజు టాలీవుడ్ స‌హా అన్ని ప‌రిశ్ర‌మ‌ల్లోనూ సాఫీగా అడుగులు వేయ‌గ‌లుగుతోంది. రాంగ్ ఛాయిస్ ల‌తో వ‌రుస‌గా డిజాస్ట‌ర్లు ఎదురైనా కానీ పాయల్ కెరీర్ బండి ఇప్ప‌టికీ స‌జావుగా సాగుతోంది అంటే ఆరంభ‌మే అలాంటి హిట్టందుకుంది కాబ‌ట్టి.

అయితే ఇప్పుడు ఆర్.ఎక్స్ 100 బైక్ ని పాయ‌ల్ మ‌ర్చిపోయి బుల్లెట్టుతో చెలిమి చేయ‌డం హాట్ టాపిక్ గా మారింది. ఇదిగో ఇలా హై ఎండ్ ఫీచ‌ర్స్ తో మార్కెట్లో దిగిన బుల్లెట్టు దగ్గ‌ర పాయ‌ల్ ఇలా హొయ‌లు పోతోంది. అస‌లే డెనిమ్ నిక్క‌రుతో బ్యాక్ లెస్ ఫోజుల‌తో వేడెక్కించింది. వాలు చూపుల‌తో గుబులు పెంచుతోంది. ప్ర‌స్తుతం ఈ ఫోటోగ్రాఫ్ అంత‌ర్జాలంలో వైర‌ల్ గా మారింది. ఇటీవ‌లి కాలంలో పాయ‌ల్ వ‌రుస ఫోటోషూట్ల‌తో కుర్ర‌కారు కంటికి కునుకు ప‌ట్ట‌నివ్వ‌డం లేదు. ఇప్పుడిలా విరుచుకుపడింది.

షోబిజ్ లో నిరంత‌రం ఏదో ఒక కొత్త‌ద‌నం ఆవిష్క‌రించాలి. పాయల్ రాజ్‌పుత్ ఈ విష‌యంలో కాస్త విల‌క్ష‌ణంగానే ఆలోచిస్తోంది. ఆరంభ‌మే కార్తికేయ ఆర్‌.ఎక్స్ 100 లో నెగెటివ్ షేడ్ ఉన్న రోల్ చేసి అంద‌రి దృష్టిని ఆక‌ర్షించింది. ఆ మూవీతో తెలుగు రాష్ట్రాల్లో ఓవర్ నైట్ సెన్సేషన్ అయ్యింది. గ్రే షేడ్స్ ఉన్న ఇందు పాత్ర‌లో 28 ఏళ్ల పాయ‌ల్ బలమైన భావోద్వేగాల‌ను ర‌గిలించింది. కళ్ళు చెదిరే గ్లామర్ తో మురిపించింది. ఆ త‌ర్వాత‌ సీత మూవీలో స్పెష‌ల్ నంబ‌ర్ లోనూ న‌ర్తించింది. RDX లవ్- వెంకీ మామ- డిస్కో రాజా వంటి భారీ చిత్రాలలో క‌థానాయిక‌గా నటించింది. వెబ్ సిరీస్ ల‌తోనూ ఆక‌ట్టుకుంది ఈ బ్యూటీ. పాయ‌ల్ ప్ర‌స్తుతం బెంగ‌ళూరు మోస్ట్ వాంటెడ్ డాన్ బ‌యోపిక్ లోనూ న‌టిస్తోంది.