డాన్ తో పాయ‌ల్ చెలిమి.. తేడాలొస్తే అంతేగా?

పంజాబీ బ్యూటీ పాయ‌ల్ రాజ్ పుత్ టాలీవుడ్ లో ఆరంభంలో ఓ వెలుగు వెలిగింది. వ‌రుస‌గా అవ‌కాశాలు అందుకుంటూ న‌వ‌త‌రం నాయిక‌ల‌కు పోటీనిచ్చింది. అయితే స‌క్సెస్ ఆశించినంత‌గా అందుకోలేక‌పోయింది. అయినా పాయ‌ల్ ఇక్క‌డ ఉనికిని కోల్పోలేదు. ప్ర‌స్తుతం ఒక‌టి రెండు సినిమాల్లో న‌టిస్తోంది. అయితే పాయ‌ల్ క‌న్న‌డ భాష‌లోనూ అదృష్టాన్ని ప‌రీక్షించుకోబోతుంది. శాండ‌ల్ వుడ్ లో ఓ బ‌యోపిక్ లో చాన్స్ అందుకుంది. బెంగుళూరు సిటీకీ మాఫియాని ప‌రిచ‌యం చేసిన మొట్ట మొద‌టి అండ‌ర్ వ‌ర‌ల్డ్ డాన్ జ‌య‌రాజ్ జీవితం ఆధారంగా ఈ చిత్రం తెర‌కెక్కుతోంది.

ఈ సినిమా టైటిల్ `హెడ్ బుష్`. డాన్ జ‌య‌రాజ్ గ‌తం ఎంతో ఆస‌క్తిక‌రం. ఒక‌ప్పుడు డాన్ గా సిలికాన్ సిటీనే గ‌డ‌గ‌డ‌లాండిచిన జ‌య‌రాజ్ జీవితంలో ప్ర‌తీ కోణం ఎంతో ఎగ్జైటింగ్ గా ఉంటుంది. డాన్ కెరీర్ లో ఎన్నో చీక‌టి కోణాలున్నాయి. అలాగే మంచి రొమాంటిక్ ఫెలోగాను జ‌య‌రాజ్ వెలిగారు. గాళ్స్ తో ఎంజాయ్ చేయ‌డంలో జ‌య‌రాజ్ రోమియాలా ఉండేవారు. అలా డాన్ జీవితంలో ఎంతో మంది అమ్మాయిలు చేరారు. అయితే ఇందులో డాన్ మొద‌టి గాళ్ ప్రెండ్ పాత్ర‌లో పాయ‌ల్ రాజ్ పుత్ న‌టిస్తుంది. ఇక ఈ పాత్ర కోసం పాయ‌ల్ నేరుగా జ‌య‌రాజ్ గాళ్ ప్రెండ్ వ‌ద్ద‌నే ట్రెన‌ప్ కానుంది. జ‌య‌రాజ్ మొద‌టి గాళ్ ప్రెండ్ స్వ‌స్థ‌లం పంజాబ్ కావ‌డంతో పాయ‌ల్ ఇట్టే క‌నెక్ట‌యిపోతోంద‌ట‌.

పంజాబ్ లో పుట్టి పెరిగిన ఆమె త‌ర్వాత కాలంలో కొన్నాళ్ల పాటు బెంగుళూరులో ఉన్నారు. ఆ స‌మ‌యంలో నే డాన్ తో ల‌వ్ స్టోరీ న‌డిచింది. ఆ త‌ర్వాత మ‌ళ్లీ పంజాబ్ తిరిగి వెళ్లిపోయింది. ఈ నేప‌థ్యంలో పాయ‌ల్ నేరుగా ఆమెను క‌లిసి పాత్ర‌కు సంబంధించిన వివ‌రాలు అడిగి తెలుసుకోవ‌డానికి రెడీ అవుతున్నారు. `హెడ్ బుష్` చిత్ర యూనిట్ అన్ని ర‌కాల ఏర్పాట్లు చేస్తున్నారు. అయితే ఈ క‌థ మొత్తం 1970-80 కాలం మ‌ధ్య‌లో న‌డుస్తుంది. నాటి త‌రం పాత్ర‌లు సినిమాలో క‌నిపిస్తాయి. బ్యాక్ డ్రాప్ మొత్తం 70ల నాటి వాతావ‌ర‌ణంతో ఉంటుందని యూనిట్ తెలిపింది. అలాగే ఇందులో జ‌య‌రాజ్ పాత్ర‌లో శాండ‌ల్ వుడ్ స్టార్ ధ‌నుంజ‌య్ న‌టిస్తారు. భారీ బ‌డ్జెట్ తోనే సినిమా నిర్మాణం అవుతుంది. శూన్య ఈ చిత్రానికి ద‌ర్శ‌క‌త్వం వ‌హిస్తున్నారు.