అసలు పూజా ప్లాన్ ఏంటబ్బా ?

వరుణ్ తేజ్ సరసన ముకుందాలో పరిచయమై డెబ్యూ మూవీతోనే ప్లాప్ అందుకున్నప్పుడు నాగ చైతన్య ఒక లైలా కోసం రెండో సినిమాతో డిజాస్టర్ కొట్టినప్పుడు పూజా హెగ్డే మళ్ళి బౌన్స్ బ్యాక్ అయిపోయి స్టార్ హీరోలు తన కోసం పోటీ పడే రేంజ్ కు చేరుకుంటుందని ఎవరూ ఊహించలేదు. పూజా హెగ్డే పరిస్థితి అచ్చం అలాగే ఉంది. డీజె వల్ల అల్లు అర్జున్ కు హరీష్ శంకర్ కలిగిన ప్రయోజనం ఏమిటో కానీ పూజాను మాత్రం అమాంతం ఎక్కడికో తీసుకెళ్లిపోయింది.

ఇప్పుడు టాలీవుడ్ మోస్ట్ క్రేజీ ప్రాజెక్ట్స్ అన్నింటిలో తనే హీరోయిన్. అరవింద సామెత వీర రాఘవలో జూనియర్ ఎన్టీఆర్ తో చేశాక ప్రస్తుతం మహేష్ బాబు మహర్షి ఫినిషింగ్ కోసం రెడీ అవుతోంది. మరోపక్క రాధాకృష్ణ దర్శకత్వంలో ప్రభాస్ తో చేస్తున్న మూవీ పాతిక శాతం పూర్తి చేసుకుంది. ఇవి కాకుండా అల్లు అర్జున్-త్రివిక్రమ్ కాంబో మూవీ కూడా తన పర్సులోకే వచ్చి చేరింది

ఇన్ని చేస్తున్నప్పుడు టాలీవుడ్ లో టాప్ చైర్ ని ఆక్రమించుకోవడానికి ఇంత కన్నా మంచి ఛాన్స్ ఏముంటుంది. కానీ పూజా హెగ్డే చూపు మాత్రం బాలీవుడ్ వైపే ఉన్నట్టు కనిపిస్తోంది. ఇప్పటికే చేసిన హౌస్ ఫుల్ 4 రిలీజ్ కు రెడీ గా ఉండగా అదే బ్యానర్ లో మరో రెండు ప్రాజెక్ట్స్ కి సైన్ చేసింది. అంటే ఇంకో రెండేళ్లు పూర్తిగా అక్కడే అంకితం అయిపోతుందన్న మాట.

ఒక లైలా కోసం ఫలితం వచ్చాక పూజా హిందీలో హృతిక్ రోషన్ తో మొహంజోదారో చేసింది. అది డిజాస్టర్ అయ్యింది. లేకపోతే అసలు డీజే చేసేదో కాదో. ఇప్పుడు అన్ని కుదురుకున్నాయి కాబట్టి మళ్ళి బాలీవుడ్ ఆఫర్లకు గ్రీన్ సిగ్నల్ ఇచ్చేస్తోంది. చూస్తుంటే పైన చెప్పిన మన టాప్ హీరోస్ తప్ప ఇంకెవరికి పూజా హెగ్డే దగ్గరలో దొరికే ఛాన్స్ కనిపించడం లేదు. ఈ లెక్కన తనతో సాక్ష్యం చేసిన బెల్లంకొన సాయి శ్రీనివాస్ లక్కీనే