ఆ హీరోయిన్​ను చూసి భయపడుతున్న పూజ హెగ్డే

పూజ హెగ్డేకి గత ఏడాది ఏమాత్రం కలిసి రాలేదు. ఆమె చేసిన నాలుగు సినిమాలు భారీ డిజాస్టర్ గా నిలవడంతో ఐరన్ లెగ్ అని మరక మళ్లీ పడేలా కనిపిస్తోంది. ఈ నేపథ్యంలో ఆమె ప్రస్తుతం త్రివిక్రమ్ దర్శకత్వంలో మహేష్ బాబు చేస్తున్న సినిమా మీదే ఆశలన్నీ పెట్టుకుంది. ఈ సినిమాలో ఆమె హీరోయిన్ గా ఎంపికైనట్లు అధికారికంగానే గతంలో ప్రకటించారు. పూజ హెగ్డే కూడా ఈ సినిమా మీద చాలా నమ్మకం పెట్టుకొని ఖచ్చితంగా హిట్ అవుతుందని భావిస్తోంది

ప్రస్తుతానికి ఈ సినిమా షూటింగ్ హైదరాబాద్ లో జరుగుతోంది. మహేష్ బాబు ఒక యాక్షన్ ఎపిసోడ్ షూటింగ్లో కూడా పాల్గొంటున్నారు. ఇక ఈ షెడ్యూల్ పూర్తి అయిన వెంటనే ఒక స్పెషల్ సెట్ లో ఈ సినిమా మరో షెడ్యూల్ ప్రారంభం కాబోతోంది. ఈ సినిమా కోసమే నిర్మించిన ఒక స్పెషల్ హౌస్ సెట్ లో మహేష్ బాబు సహా పూజా హెగ్డే అలాగే శ్రీలీల మీద కొన్ని సీన్లు షూట్ చేయాల్సి ఉంది. నిజానికి ఈ సినిమా ప్రారంభించిన సమయంలోనే పూజ హెగ్డే హీరోయిన్ గా నటిస్తుందని విషయాన్ని కూడా ప్రకటించారు.

అయితే అప్పట్లో శ్రీలీల సెకండ్ హీరోయిన్ పాత్రలో నటిస్తుందని విషయం ఎక్కడ రివీల్ చేయలేదు. కానీ తాజాగా ఆమె ఈ సినిమాలో నటిస్తుందనే విషయం మీద క్లారిటీ వచ్చేసింది. నిజానికి ముందు అనుకున్న కథ ప్రకారం... ఒక హీరోయిన్ ఉంటుంది. కానీ మహేష్ బాబు సినిమా స్క్రిప్ట్ మార్చమని అడిగిన తర్వాత... ఇప్పుడు మరో హీరోయిన్ కూడా వచ్చి చేరింది. అయితే త్రివిక్రమ్ గత సినిమాలలో సెకండ్ హీరోయిన్ పాత్రకు పెద్దగా ప్రాధాన్యత ఉండేది కాదు. కానీ ఇప్పుడు రాసిన కథ ప్రకారం ఇద్దరు హీరోయిన్లకి సమ ప్రాధాన్యత ఉంటుందని తెలుస్తోంది.

ఇప్పుడదే పూజా హెగ్డేకి తలనొప్పిగా మారినట్లుగా చెబుతున్నారు. ఎందుకంటే పూజ హెగ్డే టాలీవుడ్ లో ఎంట్రీ ఇచ్చి చాలా కాలమే అయింది. ఆమె అనేక ఎత్తు ఫలాలు చూసేసింది. కానీ టాలీవుడ్ లో ఇప్పుడే ఎంట్రీ ఇచ్చింది ఆమెకు ఒక స్టార్ కి హీరోయిన్ క్రేజ్ అయితే దక్కుతోంది. ఈ నేపథ్యంలో సినిమా క్రెడిట్ అంతా శ్రీ లీలకు వెళ్ళిపోతుందేమో అనే భయం లో పూజ హెగ్డే ఉందనే ప్రచారం జరుగుతోంది. తనను ఎక్కడ డామినేట్ చేసి మహేష్ బాబు సినిమా క్రెడిట్ కూడా శ్రీ లీల దక్కించుకుంటుంది అనే టెన్షన్లో పూజ హెగ్డే ఉందని తెలుస్తోంది.