భాషా, శివాజీ .. సంతకం కావాలట

సూపర్‌ స్టార్‌ రజనీకాంత్‌ సెలక్టివ్‌ గా తాను కోరుకున్న నాయికలకు మాత్రమే అవకాశాలిస్తుంటారు.ఐశ్వర్యారాయ్‌ - నయనతార - శ్రీయ - జ్యోతిక - దీపిక పదుకొన్‌ వంటి పెర్ఫామర్స్‌ కి మాత్రమే అవకాశం ఇచ్చారు. తాజాగా రజనీ నటించే కబాలి చిత్రంలో రాధికా ఆప్టే కథానాయికగా ఎంపికైంది అనగానే ఎంతో మంది నాయికలు ఈర్ష్య పడ్డారు. రాధిక అంత పెద్ద స్టార్‌ హీరోయిన్‌ కానేకాదు. అయినా ఇంత పెద్ద ఆఫర్‌ ఎలా పట్టేసిందబ్బా! అని బుర్రలు పీక్కున్నారు. 'అహల్య' లఘుచిత్రంలో ఈ ఛాన్స్‌ దక్కించింది.

అవకాశం వచ్చిందే తడవుగా రాధిక రజనీ సర్‌ పై తనకి ఉన్న అభిమానాన్ని ప్రదర్శిస్తోంది. రజనీ సరసన ఛాన్స్‌ రాగానే ఎగిరిగంతేశాను. నేను రజనీ ఫ్యాన్‌ ని. ఆయన నటించిన భాషా, శివాజీ అంటే చాలా ఇష్టం. ఆ సినిమాల సీడీలపై రజనీ సంతకం తీసుకోవాలనుకుంటున్నా అని మురిసిపోయింది. త్వరలోనే రంజిత్‌ దర్శకత్వంలో ఈ సినిమా ప్రారంభం కానుంది.

భాషా, శివాజీ సినిమాలంటే చాలా ఇష్టమని రాధిక చెప్పింది. ఆ రెండు సినిమాల్లో నటించిన నాయికలకు చక్కని ఐడెంటిటీ వచ్చింది. భాషాలో నగ్మా, శివాజీలో శ్రీయ పెర్ఫామెన్స్‌ తో అదరగొట్టేశారు. ఆ రేంజులో పెర్ఫామెన్స్‌ ఇచ్చి తనకి కావాల్సిన సంతకాలు తీసుకుంటుందేమో చూడాలి.