పూరి హీరోయిన్ ఎలా అయ్యిందో చూశారా?

పూరి జగన్నాథ్‌ కు అందమైన కొత్త హీరోయిన్లను తెలుగు తెరకు పరిచయం చేయడం అలవాటు. అలా పూరి వల్ల లైఫ్ అందుకున్న హీరోయిన్లలో రక్షిత ఒకరు. కన్నడలో ‘అప్పు’.. తెలుగులో ‘ఇడియట్’ సినిమాలో ఒక్కసారిగా స్టార్ హీరోయిన్ అయిపోయింది రక్షిత. తెలుగులో ‘ఇడియట్’ తర్వాత నాగార్జున.. జూనియర్ ఎన్టీఆర్ లాంటి స్టార్ హీరోల సరసన ఛాన్సులు కొట్టేసింది రక్షిత. ఐతే ఫిజిక్ కాపాడుకోకపోవడం వల్ల ఆర్తి అగర్వాల్ తరహాలోనే చాలా త్వరగా ఫేడవుట్ అయిపోయింది ఈ కన్నడ భామ. అదే టైంలో కన్నడ దర్శకుడు ప్రేమ్ ను ప్రేమించి అతడినే పెళ్లి కూడా చూసుకుని సినిమాలకు గుడ్ బై చెప్పేసింది రక్షిత.

ఆ తర్వాత మన ప్రేక్షకులు రక్షితను ఎప్పుడూ చూడలేదు. 2007లో ప్రేమ్‌ ను పెళ్లాడేప్పుడు కొంచెం బొద్దుగా ఉన్న రక్షిత.. ఆ తర్వాత ఏ స్థాయిలో లావైపోయిందో నిన్న తిరుమల వేంకటేశ్వరుడి దర్శనానికి వచ్చినపుడు కానీ తెలియలేదు. హీరోయిన్ గా ఉన్నప్పటికి.. ఇప్పటికి ఏమాత్రం పోలిక లేనట్లుగా తయారైంది రక్షిత. సినిమాల్లో ఉన్నపుడే ఫిజిక్ విషయంలో అంత జాగ్రత్త ఏమీ పాటించిన రక్షిత.. ఇక ఇంటికి పరిమితమయ్యాక పూర్తిగా కంట్రోల్ తప్పినట్లుంది. 32 ఏళ్లకే మిడిలేజ్డ్ ఆంటీలాగా తయారైందామె. రక్షితను ఒకప్పుడు హాట్ హాట్ గా చూసి ఆమెకు అభిమానులుగా మారిపోయిన కుర్రాళ్లు.. ఇలా చూస్తే షాకైపోవడం ఖాయం.