30 ప్లస్‌ భామలు, 20ప్లస్‌ రొమాన్స్‌

మూడు పదుల వయసు దాటిన ముద్దుగుమ్మలు .. ఇంకా టీనేజీలో ఉన్న కుర్రాళ్లతో రొమాన్స్‌ చేస్తే ఎలా ఉంటుంది? వినటానికే సంథింగ్‌ రొమాంటిక్‌ గా ఉంది కదూ? కానీ ఇది సినీపరిశ్రమలో సాధ్యమే. ఏఎన్నార్‌ తో నటించిన శ్రీదేవి నాగార్జునతో రొమాన్స్‌ చేయలేదూ? ఎన్టీఆర్‌ తో రొమాన్స్‌ చేసిన వాణీశ్రీ, లక్ష్మి లాంటి స్టార్స్‌ ఆ తర్వాత మనవళ్ల వయసున్న వాళ్లకు అత్తలుగా కిక్కెక్కించే పాత్రల్లో నటించలేదూ? అలాంటప్పుడు తమకంటే వయసులో చిన్నవాళ్లయిన హీరోలతో నటిస్తే తప్పేంటి? అని ప్రశ్నిస్తున్నారు అందాల భామలు. టాలీవుడ్‌ లో నయనతార, ఇలియానా, ఛార్మి, త్రిష వీళ్లంతా తమకంటే వయసులో చిన్నవాళ్లతో రొమాన్స్‌ చేశారు.

ఓసారి బాలీవుడ్‌ వెళితే .. అక్కడ బిపాసా లాంటి స్టార్‌ తనకంటే చిన్నవాడైన రానాతో రొమాన్స్‌ చేయలేదూ? ఎలోన్‌ చిత్రంలో బిపాసా తనకంటే చిన్నవాడైన కరణ్‌ వీర్‌ సింగ్‌ తో రొమాన్స్‌ చేసింది. బాలీవుడ్‌ క్యాట్‌ కత్రిన కైఫ్‌ తనకంటే చిన్నవాడైన సిద్ధార్థ్‌ మల్హోత్రా సరసన కల్‌ జిస్నే దేఖా చిత్రంలో ఆడిపాడుతోంది. ఫితూర్‌ లో తనకంటే చిన్న వయస్కుడైన ఆదిత్య రాయ్‌ కపూర్‌ తో రొమాంటిక్‌ సీన్స్‌ లో నటిస్తోంది. అలాగే మరోభామ కరీనా కపూర్‌ తనకంటే ఐదేళ్లు చిన్నవాడైన అర్జున్‌ కపూర్‌ తో రొమాన్స్‌ చేస్తోంది. సేమ్‌ టైమ్‌ తనకంటే రెండేళ్లు చిన్నవాడైన ఇమ్రాన్‌ ఖాన్‌ తో 'కై అండ్‌ కా' చిత్రంలో ఆడిపాడుతోంది.

విద్యాబాలన్‌ (37) హమారీ ఆదూరి కహానీ చిత్రంలో ఇమ్రాన్‌ హస్మి తో రొమాన్స్‌ చేసింది. ఈ ఇద్దరికీ మధ్య ఒక సంవత్సరం డిఫరెన్స్‌. బాబీ జాసూస్‌ లో అలీ ఫజల్‌ తో రొమాన్స్‌ విద్యా రొమాన్స్‌ చేసింది. అలీ తనకంటే పదేళ్లు చిన్నవాడు. అలాగే 33ఏళ్ల ప్రియాంక చోప్రా రణవీర్‌ సింగ్‌ కంటే మూడేళ్లు పెద్దది. అయినా గుండేలో ఆడిపాడింది. తనకంటే మూడేళ్లు చిన్నవాడైన అర్జున్‌ కపూర్‌ తో అదే సినిమాలో రొమాన్స్‌ చేసింది. మై తేరా హీరోలో నర్గీస్‌ ఫక్రీ వరుణ్‌ ధావన్‌ తో రొమాన్స్‌ చేసింది. వరుణ్‌ నర్గీస్‌ కంటే ఒకటి రెండేళ్లు చిన్నవాడు. ఇలా వెతికితే కథానాయికల వయసు డామినేషన్‌ అసాధారణంగా ఉంది.