వాళ్ళను చూసి సాయి పల్లవి ఎమోషనల్

సాయి పల్లవి ప్రధాన పాత్రలో నటించిన విరాటపర్వం సినిమా ఈ నెల 17వ తేదీన విడుదల కాబోతున్న విషయం తెలిసిందే. రానా దగ్గుబాటి కూడా ఈ సినిమాలో ఒక ముఖ్యమైన పాత్రలో కనిపించబోతున్నాడు. ఎప్పుడో విడుదల కావాల్సిన ఈ సినిమా అనేక కారణాల వలన వాయిదా పడుతూ వచ్చింది. దీంతో మెల్లగా ఈ సినిమాపై అంచనాలు తగ్గిపోయాయి.

ఇక ఎప్పుడైతే ఆఫీషియల్ గా విడుదల డేట్ తెలియజేశారో అప్పటినుంచి చిత్ర యూనిట్ సభ్యులు సినిమా జనాల్లోకి తీసుకువెళ్లే విధంగా ప్రమోషన్స్ బాగా చేస్తున్నారు. ప్రస్తుతం అయితే ఈ సినిమా చూసేందుకు ఓ వర్గం ప్రేక్షకులు ఎంతో ఆసక్తిగా ఎదురు చూస్తున్నారు అని చెప్పవచ్చు.

సాయి పల్లవి రానా దగ్గుబాటి ఇద్దరు కూడా విరాటపర్వం సినిమా కోసం ప్రమోషన్స్ అయితే బాగానే చేస్తున్నారు. రీసెంట్ గా వరంగల్లో సినిమా కు సంబంధించిన ఒక ఆత్మీయ వేడుకను నిర్వహించారు. ఈవెంట్ కు మంచి స్పందన లభించింది. అయితే విరాటపర్వం సినిమాలో సాయి పల్లవి నటించిన వెన్నెల పాత్రను రియల్ లైఫ్ ఇన్సిడెంట్స్ ఆధారంగా చేసుకొని దర్శకుడు ఈ సినిమాను తెరకెక్కించినట్లు చెప్పాడు.

రియల్ లైఫ్ లో సాయి పల్లవి చేసింది సరళ అనే ఒక అమ్మాయి క్యారెక్టర్. సినిమాలో సరళ అనే పేరు పెట్టకుండా వెన్నెల అనే పేరు పెట్టారు. సాయి పల్లవి ఇటీవల సరళ కుటుంబ సభ్యులను ప్రత్యేకంగా కలుసుకున్నారు. దీంతో ఆ ఫ్యామిలీ ఒక్కసారిగా ఎమోషనల్ అయ్యింది. అంతేకాకుండా సాయిపల్లవి కి పట్టు చీర కూడా పెట్టారు. తిరిగి రాని మా కూతుర్ని మళ్ళీ చూసినట్లు ఉంది అని కుటుంబ సభ్యులు ఎమోషనల్ అయ్యారు.

సాయి పల్లవి కూడా వారిని చూసి భావోద్వేగానికి లోనయ్యింది. ఇక మొత్తానికి ఈ సినిమా అయితే పాజిటివ్ అంచనాలు ఏర్పడుతున్నాయి. తప్పకుండా సినిమా ఎమోషనల్ గా అందరికీ కనెక్ట్ అవుతుందని కూడా దర్శకుడు వేణు ఉడుగుల నమ్మకంతో చెబుతున్నాడు. మరి ప్రేక్షకుల అంచనాలను సినిమా ఏ స్థాయిలో అందుకుంటుందో చూడాలి.