చెన్నైలో ఉంటే కుమ్మేస్తున్న శామ్స్

చెన్నై బ్యూటీ సమంత ఇప్పుడు చెన్నైలో రిలాక్స్ అవుతోంది. కొత్త సినిమాలేవీ ఇంకా సైన్ చేయకపోవడంతో పెద్దగా హడావిడి పడాల్సిన పని లేదు. త్వరలో ఎంగేజ్ మెంట్..పెళ్లి లాంటి వార్తలు వస్తున్నా అవేవీ కూడా ఇంకా మొదలయినట్లుగా కనిపించలేదు. అందుకే ఇప్పుడు ఎంచక్కా చెన్నైలోనే మకాం వేసేసి ఫుల్ ప్లెడ్జెడ్ గా ఫిట్నెస్ పై దృష్టి పెట్టేసింది.

ఇదుగో ఇక్కడ సూపర్ ఫిట్ శామ్ కనిపిస్తోందా? చేతిలో డంబుల్స్ పట్టుకుని.. ఒక చేతిపై అనించి మరోవైపు డంబుల్ ఉన్న చేతిని అలా పైకెత్తుతుంటే.. అమ్మో అనిపించడం లేదూ.. ఇదంతా బాడీలో కాలి వేళ్లు తప్ప ఏ భాగం నేలకు తాకకుండానే ఇంతలేసి పుషప్స్ చేసేస్తోంది. అందుకే ఈమె వర్కవుట్స్ గురించి చెబుతూ సూపర్ ఫిట్ శామ్ అంటూ పొగిడేస్తున్నాడు ట్రైనర్ రాజేష్ రామసామి.

ఫిట్నెస్ సంగతి బాగానే ఉంది కానీ.. కొత్త సినిమా సంగతేటి సమంతా అని అభిమానులు తెగ నిలదీసేస్తున్నారు. అయితే.. ఆ ఒక్కటీ అడక్కు అన్నట్లుగా ఉంది శామ్స్ వ్యవహారం. అడిగితే అన్నిటికీ సమంత నుంచి ఆన్సర్ వస్తోంది కానీ.. ఒక్క పెళ్లి గురించి మాత్రం క్లారిటీ రావడం లేదు. ఇన్ని పంచుకున్నదానివి ఆ ఒక్క సీక్రెట్ కూడా చెప్పేస్తే సమంత సొమ్మేం పోతుందో!