ప‌డ‌కు ప‌డ‌కు బెంగ ప‌డ‌కు ఓ చిన‌దానా..!

బెంగాళీ న‌టి శ్ర‌ద్ధా దాస్ ఆర్య2 సినిమాలో వ్యాంప్ త‌ర‌హా పాత్ర‌లో న‌టించినా కానీ ఆ త‌ర్వాత క‌థానాయిక‌గా కొన్ని సినిమాల్లో న‌టించింది. ప్ర‌వీణ్ స‌త్తారు `గుంటూరోడు`లో హీటెక్కించే లుక్ తో యాక్ష‌న్ క్వీన్ గా మెప్పించింది. సినిమాల‌లో అవ‌కాశాలు త‌గ్గిన క్ర‌మంలో బుల్లితెర జ‌డ్జిగా సెటిల‌వుతోంది ఈ బ్యూటీ.

తెలుగు టీవీ స్క్రీన్ పైకి ఈ భామ రాక కొంత గ్లామ‌ర్ ని అద్దింది. అక్క‌డ చీర క‌ట్టులో తెలుగింటి అమ్మాయిగా క‌నిపిస్తున్న ఈ బెంగాళీ బ్యూటీ బోలెడ‌న్ని న‌వ్వులు చిందిస్తూ కుర్రాళ్ల గుండెల్లో గుబులు పెంచుతోంది.

ఇక బోల్డ్ అవ‌తార్ లో చెల‌రేగ‌మంటే ఈ అమ్మ‌డి త‌ర్వాతే. శ్ర‌ద్ధా తాజా బ్లూ లుక్ అంత‌ర్జాలంలో గుబులు రేపుతోంది. పింక్ లిప్స్ డార్క్ ఐ షేడ్ తో మ్యాచింగ్ అద‌ర‌గొట్టింది. అలా స్వేచ్ఛ‌గా ర‌క‌ర‌కాల భంగిమ‌ల్లో అందాలను కెమెరా ముందు తెర‌ప‌రిచింది.

ఢీ 3 డ్యాన్స్ రియాలిటీ షో జ‌డ్జిగా శ్ర‌ద్ధా ఎంతో ఆక‌ట్టుకుంది. మునుముందు మ‌రిన్ని రియాలిటీ షోల‌తో సంద‌డి చేయ‌బోతోందిట‌. అడ‌పాద‌డ‌పా సినిమాల్లోను అవ‌కాశాలొస్తే వ‌దిలిపెట్టేందుకు సిద్ధంగా లేదు. కానీ ఆ ఒక్క ఛాన్స్ రావ‌డం ఇటీవ‌ల క‌ష్టంగానే ఉంది మ‌రి.

ఏం చేసినా కానీ పెద్ద తెర ఛాన్సులేవీ శ్ర‌ద్ధా? అని ఒక సెక్ష‌న్ అభిమానులు త‌న‌ని ఆట ప‌ట్టిస్తున్నారు. ప‌డ‌కు ప‌డ‌కు బెంగ ప‌డ‌కు ఓ చిన‌దానా..! అంటూ ఒక అంద‌మైన‌ క్యాప్ష‌న్ ని ఇచ్చి శ్ర‌ద్ధా ఫోజుల‌ను సోష‌ల్ మీడియాల్లో షేర్ చేస్తున్నారు. నిరీక్ష‌ణ - అర్థం అనే రెండు తెలుగు చిత్రాల‌కు సంత‌కాలు చేసింది. కానీ వాటికి సంబంధించిన తాజా అప్ డేట్ లేదు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.