తమన్నా జోరు.. స్పీడ్ తగ్గేదేలే

మిల్కీ బ్యూటీ తమన్నా ఇండస్ట్రీలో అడుగు పెట్టి 17 ఏళ్లు అయ్యింది. కెరీర్‌ ఆరంభంలో కాస్త ఒడిదొడుకులు ఎదుర్కొన్నా కూడా హ్యాపీ డేస్ సినిమా విడుదల అయ్యింది మొదలుకుని వరుసగా స్టార్‌ హీరోల సినిమాలు చేసింది.. చేస్తూనే ఉంది. టాలీవుడ్‌ లోని దాదాపు యంగ్‌ హీరోలందరితో కూడా నటించిన తమన్నా ఇప్పటికి కూడా బిజీగానే ఉంది.

ప్రస్తుతం టాలీవుడ్ లో మెగాస్టార్ చిరంజీవి నటిస్తున్న ఒక సినిమాలో హీరోయిన్‌ గా నటిస్తోంది. అంతే కాకుండా సత్యదేవ్ గుర్తుందా శీతాకాలం సినిమా లో కూడా ఈ అమ్మడు నటించింది. త్వరలోనే ఈ సినిమా విడుదల కాబోతుంది. మరో వైపు తమిళంలో సూపర్‌ స్టార్‌ రజినీకాంత్‌ నటిస్తున్న జైలర్‌ సినిమా లో కూడా ఈమె హీరోయిన్ గా ఎంపిక అయ్యింది.

బాలీవుడ్‌ స్టార్‌ హీరోయిన్ ఐశ్వర్య రాయ్‌ జైలర్‌ సినిమాలో నటించాల్సి ఉండగా కొన్ని కారణాల వల్ల సినిమా నుండి ఆమె తప్పుకోవాల్సి వచ్చింది.

దాంతో ఆమె స్థానం ను మిల్కీ బ్యూటీ తో భర్తీ చేయించారు. రజినీకాంత్‌ తో తమన్నా నటించే అవకాశం దక్కించుకోవడంతో ఆమె స్థాయి మరియు స్టార్‌ డమ్‌ ఏంటో అర్థం చేసుకోవచ్చు.

ఇండస్ట్రీ లో తమన్నా కేవలం సినిమాలతోనే కాకుండా వెబ్‌ సిరీస్ లు ఐటెం సాంగ్స్ మరియు మ్యూజిక్ ఆల్బం ల్లో కూడా నటిస్తూ ఉంది. మిల్కీ బ్యూటీ సినిమాల్లో అడుగు పెట్టిన సమయంలో మరి కొందరు హీరోయిన్స్ కూడా అడుగు పెట్టారు. వారిలో చాలా మంది ఇప్పటికే కనుమరుగయ్యారు. కొందరు సెకండ్ ఇన్నింగ్స్ మొదలు పెట్టి అక్కగా అమ్మగా నటిస్తున్నారు.

తమన్నా మాత్రం ఇంకా జోరు తగ్గకుండా.. స్పీడ్ తగ్గించకుండా తగ్గేదేలే అన్నట్లుగా వరుసగా సినిమాలు చేస్తూనే ఉంది. ముద్దుగుమ్మ తమన్నా చేసిన సినిమాలు ఎన్నో భారీ విజయాలను సొంతం చేసుకున్నాయి. ముందు ముందు కూడా ఆమె సినిమాలు భారీ విజయాలను సొంతం చేసుకునే అవకాశాలు ఉన్నాయి. మరో అయిదు సంవత్సరాల వరకు ఈ అమ్మడి జోరు కంటిన్యూ అవుతుందని సినీ విశ్లేషకులు అభిప్రాయం వ్యక్తం చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.