క్రికెట‌ర్లు అంటేనే క‌థానాయిక‌లకు మోజేలా..?

టీమ్ ఇండియా క్రికెట‌ర్ల‌కు- బాలీవుడ్ న‌టీమ‌ణుల మ‌ధ్య ఉండే రిలేష‌న్ షిప్స్ గురించి ప్ర‌త్యేకంగా ఇప్పుడే గుర్తు చేయాల్సిన ప‌నిలేదు. ఈ రెండు రంగాల్లో ప్రేమాయ‌ణాలు రిలేష‌న్ షిప్స్ అనేవి అనాదిగా కొన‌సాగుతున్న సాంప్ర‌దాయ‌మే. రెండు రంగాలు క్రేజీ ఫాలోయింగ్ ఉన్న‌వి కాబ‌ట్టి క్రికెట‌ర్ల‌తో బాలీవుడ్ భామామ‌ణుల ఎఫైర్లు ఎప్ప‌టిక‌ప్పుడు ఆస‌క్తిక డిబేట్ గా మారుతున్నాయి. క్రికెట్ ప్రారంభ‌మై పాపుల‌ర్ గేమ్ గా మొద‌లైన నాటి నుంచి ఎంతో మంది క్రికెర్ల‌తో బాలీవుడ్ హీరోయిన్లు ఎఫైర్లు నెరిపారు. వారిలో అదికొద్ది మంది మాత్ర‌మే వైవాహిక జీవితంలో స్థిర‌ప‌డ్డారు. కానీ చాలా బంధాలు మ‌ధ్య‌లోనే వీగిపోయాయి. తాజాగా వాటి గురించి ఓ లుక్ వేస్తే...

మాజీ క్రికెట‌ర్ యువ‌రాజ్ సింగ్ టీమిండియా నెంబ‌ర్ 1 ప్లేయ‌ర్ గా రాణిస్తోన్న రోజుల్లో బాలీవుడ్ న‌టి కిమ్ శ‌ర్మ‌తో డీప్ ల‌వ్ లో మునిగి తేలిన సంగ‌తి తెలిసిందే. ఇరువురు పెళ్లి చేసుకోవాల‌నుకున్నారు. కానీ మ‌ధ్యలోనే ఏవో కార‌ణాల‌తో విడిపోయారు. ఆ త‌ర్వాత కిమ్ చాలా మందితో ఎఫైర్లు న‌డిపి చివ‌రిగా లియాండ‌ర్ పేస్ తో ప్రేమాయ‌ణంలో ఉంది. ఇక యూవీ మ‌రో బాలీవుడ్ న‌టి హ‌జీల్ కీచ్ ని పెళ్లి చేసుకుని స్థిర‌ప‌డ్డారు. అలాగే మ‌రో మాజీ ఫాస్ట్ బౌల‌ర్ జ‌హీర్ ఖాన్ బాలీవుడ్ న‌టి ఇషా శ‌ర్వాణీతో ప్రేమాయ‌ణం న‌డిపారు. ఇరుకుటుంబ స‌భ్యులు పెళ్లికి కూడా అంగీక‌రించారు. కానీ ఇంత‌లోనే డిస్ట‌బెన్సెస్ కార‌ణంగా దూర‌మ‌య్యారు. ఆ త‌ర్వాత జ‌హీర్ ఖాన్ మ‌రో బాలీవుడ్ నటి సాగ‌రిక ఘ‌ట్గేను ప్రేమించి పెళ్లి చేసుకున్నారు.

ఇంకాస్త ఫ్లాష్ బ్యాక్ కి వెళితే.. మాజీ క్రికెట‌ర్ల గ‌తంలోకి వెళ్తే ఇండియా కోచ్ గా ఎన్నో సేవ‌లందించిన ర‌విశాస్ట్రి ఇండ‌స్ట్రీ ప్లే బోయ గా పేరుగాంచిన సంగ‌తి తెలిసిందే. ర‌వి శాస్త్రి- అమృతాసింగ్ మ‌ధ్య ఎఫైర్ అప్ప‌ట్లో ఓ పెద్ద సంచ‌ల‌న‌మే రేపింది. స్టేడియంలోనే అమృతాసింగ్ ర‌విశాస్త్రిని ముద్దాట‌డం బ‌హిరంగ చ‌ర్చ‌గా మారింది. కానీ అది పెళ్లి వ‌ర‌కూ చేర‌లేదు. ర‌విశాస్త్రి.. రీతూసింగ్ ని వివాహం చేసుకోగా.. అమృతా సింగ్ -సైఫ్ అలీఖాన్ ని పెళ్లి చేసుకున్నారు. కానీ ఇప్పుడు ఈ జంట‌లు కూడా క‌లిసి ఉండ‌టం లేదు. అలాగే వెస్టీండీంస్ లెజెండ‌రీ ప్లేయ‌ర్ స‌ర్ వివియ‌న్ రిచ‌ర్స్డ్ - బాలీవుడ్ న‌టి నీనా గుప్తాల ప్రేమ‌క‌థ అప్ప‌ట్లో బ‌హిరంగ‌మే. అప్ప‌టికే పెళ్లైన రిచ‌ర్స్డ్ నీనా చాలాకాలం స‌హ‌జీవ‌నం చేసారు. ఈ ప్రేమ‌కు గుర్తుగా మ‌సాబా అనే కూమార్తె కూడా ఉన్నారు. ఇప్పుడు మ‌సాబా ఫేమ‌స్ డిజైన‌ర్ అయ్యారు.

అలాగే రోహిత్ శ‌ర్మ కొన్నాళ్ల పాటు సోఫియా హ‌య‌త్ తో ఎఫైర్ న‌డిపారు. ఆ బంధం కొన్నాళ్ల‌కు వీగిపోయింది. అందుకు కార‌ణంగా ప్ర‌స్తుత టీమ్ కెప్టెన్ విరాట్ కొహ్లీనే అని ఓ కారణంగా చెబుతుంటారు. ఆ త‌ర్వాత రోహిత్ స్పోర్స్ట్ మేనేజ‌ర్ రితికా స‌జ్దేని పెళ్లి చేసుకున్నారు. ఇక విరాట్ కొహ్లీ- బాలీవుడ్ న‌టి అనుష్క శ‌ర్మ‌ని ప్రేమించి పెళ్లి చేసుకున్న సంగ‌తి తెలిసిందే. అలాగే మ‌రో మాజీ క్రికెట‌ర్ హ‌ర్భ‌జ‌న్ సింగ్ కూడా ప‌లువురు బాలీవుడ్ న‌టీమ‌ణుల‌తో ఎఫైర్లు న‌డిపారు. చివ‌రిగా గీతా బ‌స్రాని పెళ్లి చేసుకుని స్థిర‌ప‌డ్డారు. ప్ర‌స్తుతం బాలీవుడ్ స్టార్ హీరో సునీల్ శెట్టి కుమార్తె ఆథియా శెట్టి యంగ్ టీమిండియా ఆట‌గాడు కె.ఎల్.రాహుల్ తో ప్రేమ‌లో ఉన్న సంగ‌తి తెలిసిందే. ఈ జంట‌పై బాలీవుడ్ మీడియాలో నిరంత‌రం క‌థ‌నాలు వేడెక్కిస్తున్నాయి. మ‌రోవైపు ఈవ్ లిన్ శ‌ర్మ‌తో చాలాకాలం డేటింగ్ చేసిన హార్డ్ హిట్ట‌ర్ హార్థిక్ పాండ్యా స‌డెన్ గా విదేశీ బ్యూటీని పెళ్లాడి లైఫ్ లో సెటిలైన సంగ‌తి తెలిసిన‌దే.