'కల్కి'తో ఆమె ఫ్యూచర్‌ తేలిపోనుంది

తెలుగు ప్రేక్షకులకు 'హార్ట్‌ ఎటాక్‌' చిత్రంతో పరిచయం అయిన ముద్దుగుమ్మ అదాశర్మ. మొదటి సినిమా నుండి ఈమెకు ఫ్లాప్‌ లే పడుతూ వచ్చాయి. ఒకటి రెండు సినిమాలు పర్వాలేదు అనిపించినా కూడా ఈమెకు మాత్రం సరైన గుర్తింపు రాలేదు. అయినా కూడా ప్రయత్నాలు మానకుండా టాలీవుడ్‌ మరియు కోలీవుడ్‌ లలో ప్రయత్నాలు చేస్తూనే ఉంది. మరో వైపు ఈమె హాలీవుడ్‌ వెబ్‌ సిరీస్‌ లలో కూడా నటిస్తూ ఉంది.

తాజాగా అదాశర్మ 'కల్కి' చిత్రంలో నటించింది. రాజశేఖర్‌ హీరోగా ప్రశాంత్‌ వర్మ దర్శకత్వంలో తెరకెక్కిన 'కల్కి' చిత్రం మరో రెండు రోజుల్లో ప్రేక్షకుల ముందుకు రాబోతుంది. ఈ చిత్రంలో స్కిన్‌ షో కాకుండా నటనకు ప్రాముఖ్యత ఉన్న పాత్రను అదా శర్మ చేసిందని తెలుస్తోంది. దాంతో ఈ అమ్మడికి 'కల్కి' చిత్రం మరిన్ని ఆఫర్స్‌ తెచ్చి పెడుతుందనే అభిప్రాయం వ్యక్తం అవుతుంది. అదాశర్మ కూడా ఈ చిత్రంలో తాను చేసిన పాత్రపై నమ్మకంగా ఉన్నట్లుగా తెలుస్తోంది. ఈ చిత్రం సక్సెస్‌ అయితేనే టాలీవుడ్‌ లో మళ్లీ అదాశర్మను చూస్తామేమో అంటూ సినీ విశ్లేషకులు అభిప్రాయం వ్యక్తం చేస్తున్నారు.

కెరీర్‌ ఆరంభం నుండి కూడా స్కిన్‌ షో తో నెట్టుకు వస్తున్న ఈ అమ్మడు గత కొన్నాళ్లుగా సోషల్‌ మీడియాలో తన హాట్‌ ఫొటోలతో హల్‌ చల్‌ చేస్తూ వస్తోంది. సోషల్‌ మీడియాలో ఈమె చేస్తున్న హడావుడికి తోడు ఈ చిత్రం సక్సెస్‌ అయితే మరి కొంత కాలం ఈమె హీరోయిన్‌ గా కొనసాగే అవకాశాలున్నాయి. మరి కల్కి ఈమెకు ఎలాంటి ఫలితాన్ని ఇస్తుందో చూడాలి.