ద్రాక్ష ప‌ళ్లు ఊరిస్తున్నాయ్‌!

అదా కి అదా పేరుతో ట్విట్ట‌ర్‌లో అదా వేసే కొంటె వేషాల గురించి తెలిసిందే. ఈ భామ టీజింగ్ యాటిట్యూడ్ సామాజిక మాధ్య‌మాల్లో ఎప్ప‌టిక‌ప్పుడు బ‌య‌ట‌ప‌డుతూనే ఉంది. కుర్ర‌త‌నంతో కూడుకున్న క‌వ్వింత ఈ 1920 భామ‌కు తొలినుంచి అల‌వాటే. `హార్ట్ ఎటాక్` చిత్రంతో తెలుగు సినీప‌రిశ్ర‌మ‌కు ప‌రిచ‌య‌మైంది మొద‌లు అదా స్పీడ్ గురించి టాలీవుడ్‌లో ఆస‌క్తిక‌ర డిబేట్ న‌డిచింది.

అదంతా స‌రే.. అదా ఇటీవ‌లి కాలంలో సినిమాల‌తో కంటే ఇత‌ర‌త్రా వ్యాప‌కాల‌తోనే ఎక్కువ బిజీగా ఉంది. ముఖ్యంగా సోష‌ల్ మీడియాలో ఫోటోలు, వీడియోలు వైర‌ల్ చేస్తూ యాడ్ రెవెన్యూని జ‌న‌రేట్ చేసుకుంది. ఎప్ప‌టిక‌ప్పుడు త‌న‌కు డ్యాన్స్ పై ఉన్న మ‌క్కువ‌ను ఏదో ఒక వీడియోని సామాజిక మాధ్య‌మాల్లో అప్‌లోడ్ చేయ‌డం ద్వారా తెలియ‌జెబుతోంది. అప్ప‌ట్లో కికి ఛాలెంజ్‌ని స్వీక‌రించి రన్నింగ్ కార్ లోంచి జంప్ చేసి మ‌రీ డ్యాన్సాడింది. మొన్న‌టికి మొన్న ఒక కూర‌గాయ‌ల దుకాణంలో పేద‌రాసి పెద్ద‌మ్మ‌లా కూర‌గాయ‌లు అమ్ముతూ క‌నిపించి షాకిచ్చింది. అస‌లు ఆ డీగ్లామ్ లుక్‌లో అదాని అస్స‌లు ఎవ‌రూ గుర్తు ప‌ట్ట‌లేక‌పోయారంటే న‌మ్మండి.

మొన్న‌నే క‌దా కూర‌గాయ‌లు అమ్మింది.. ఇప్పుడు ద్రాక్ష‌ప‌ళ్ల దుకాణ‌మేంటో? ఊరించే ద్రాక్ష గుత్తును అలా అలా క‌వ్విస్తూ నోట్లో వేసేస్తోంది. ద్రాక్ష‌ల‌కే నోరూరే అందం అదా సొంతం. ఇలా ఆ గుత్తును నోట్లో వేసీ వేయ‌న‌ట్టు క‌వ్విస్తుంటే కుర్ర‌కారు ప‌రేషాన్ అయిపోవ‌డం ఖాయం. ఇంత‌కీ అదా ఏంటి.. అక్క‌డ న్యూగెట‌ప్‌లో క‌నిపిస్తోంది. ఏదో పార్క్ ప‌రిస‌రాల్లో ఇలా కూచుని కొంటె వేషంతో క‌వ్విస్తోంది అంద‌రినీ. ఈ వేషం స‌రే కానీ.. ఇంత‌కీ అదా సినిమా రిలీజ‌య్యేదెప్పుడో?