నితిన్ హీరోయిన్.. లండన్ టూర్

హార్ట్ ఎటాక్ సినిమాతో టాలీవుడ్ లో అడుగుపెట్టి అందరి గుండెల్ని కొల్లగొట్టింది పాలబుగ్గల సుందరి అదా శర్మ. ఆ సినిమా హిట్టయినా ఎందుకో అదా శర్మకు చెప్పుకోదగిన అవకాశాలు రాలేదు. త్రివిక్రమ్ సినిమాలో అల్లు అర్జున్ సినిమాలో నటించినా అదాకు క్రెడిట్ దక్కలేదు. అయితే క్షణం సినిమా ఆమెలో మంచి నటి ఉందనే విషయం ప్రూవ్ చేసింది. ఈ సినిమాలో కుమార్తెకు దూరమైన తల్లిగా ఆమె నటన అందరి మెప్పు పొందింది.

క్షణం తర్వాత బాలీవుడ్ కు వెళ్లి విద్యుత్ జమాల్ హీరోగా నటించిన కమాండో-2 సినిమాలో నటించింది. ఈ మధ్య టైం ఖాళీ దొరకడంతో పెట్టెబేడా సర్దుకుని లండన్ బయల్దేరి వెళ్లింది. హాలీడే ను ఎలా ఎంజాయ్ చేస్తున్నానో చూడమంటూ లండన్ వీధుల్లో తిరిగిన ఫొటోలను సోషల్ మీడియాలో షేర్ చేసింది. ఎప్పటిలాగే అమాయకమైన ముఖానికి నవ్వును జతచేసి అమ్మడు ఇచ్చిన ఫొటోలను చూస్తుంటే ఎవరైనా ఇంప్రెస్ అయిపోవడం ఖాయం. అదా అందమంతా నవ్వులోనే దాగుందని అనకుండా ఉండలేరు కూడా. షూటింగ్ లు లేని టైంలో దొరికిన ఖాళీని బాగానే ఎంజాయ్ చేశానంటోందీ ముద్దుగుమ్మ.

ఈమధ్య కాలంలో షూటింగ్ గ్యాప్ లను హీరోయిన్లు బాగానే ఎంజాయ్ చేస్తున్నారు. రీసెంట్ గా శృతిహాసన్ లండన్ లో వాలిపోయి మార్కెట్ మొత్తం తిరుగుతూ తెగ షాపింగ్ చేసి ఆ ఫొటోలు షేర్ చేసింది. అంతకుముందు ఇలియానా షూటింగులేం లేని రోజుల్లో ఫారిన్ బీచులన్నీ చుట్టొచ్చింది. ఇప్పుడు అదాశర్మ కూడా హాలీడేస్ ఎంజాయ్ చేయడంలో బిజీగా ఉంది.