బాప్ రే అదా.. వ్వాటే ట్యాలెంట్

అదాశ‌ర్మ యాక్టివిటీస్ గురించి ప్ర‌త్యేకించి చెప్పాల్సిన ప‌నే లేదు. ఈ అమ్మ‌డు సామాజిక మాధ్య‌మాల్లో త‌న‌ని తాను ప్ర‌మోట్ చేసుకునే తీరు ఎంతో క్రియేటివ్ గా ఉంటుంది. నిరంత‌రం ర‌క‌ర‌కాల ఫోటోలు, వీడియోల‌తో యూత్ కి గాలం వేస్తుంటుంది. ఇప్ప‌టికే ఇన్ స్టా, ట్విట్ట‌ర్ లో ఈ అమ్మ‌డికి విప‌రీత‌మైన ఫాలోయింగ్ ఏర్ప‌డింది.

గ‌త కొంత‌కాలంగా ప‌లు అంశాల‌పై ప్ర‌త్యేకించి వీడియోల్ని రూపొందిస్తూ అభిమానుల్ని అల‌రిస్తోంది. అందులో కొన్ని సామాజిక సందేశానికి సంబంధించిన‌వి ఉన్నాయి. తాజాగా అదా శ‌ర్మ ఓ ఆస‌క్తిక‌ర వీడియోని ఇన్ స్టాలో అభిమానుల‌కు షేర్ చేసింది. ఇందులో ఈ బ్యూటీ వెంట్రిలాక్విజ‌మ్ మైమ‌రిపిస్తోంది. చేతిలో ఒక పిల్లి బొమ్మ‌ను ఉంచుకుని .. ఇది రాధా అని ప‌రిచ‌యం చేస్తూనే, అస‌లు పెద‌వి అన్న‌దే క‌ద‌ల‌కుండా వెంట్రిలాక్విలిజ‌మ్ విద్య‌ను ప్ర‌ద‌ర్శించి ఔరా! అనిపించింది.

చూడ‌టానికి అచ్చం బొమ్మ‌లా క‌నిపించే అదా.. మ‌రో బొమ్మ‌ను చేతిలో ప‌ట్టుకుని అచ్చం బొమ్మ‌లానే అభిన‌యించింది. ఈ వీడియో ప్ర‌స్తుతం యూత్ లో జోరుగా వైర‌ల్ అవుతోంది. అదాలోని న‌మ్మ‌శ‌క్యం కాని ఈ కొత్త ట్యాలెంటుకు ఫిదా అయిపోతున్నారంతా. ఇంత‌కీ ఈ వేషాలు క‌ట్టి పెట్టి.. తిరిగి టాలీవుడ్ లో ఛాన్స్ ద‌క్కించుకుంటుందో లేదో చెప్పాల్సి ఉందింకా.