ఈ వయ్యారి నాంచాక్ తిప్పినా వయ్యారంగానే ఉందిగా..!!

టాలీవుడ్ వెండితెరకు 'హార్ట్ ఎటాక్' సినిమాతో పరిచయమైంది ముంబై భామ ఆదాశర్మ. డైరెక్టర్ పూరీ సినిమాతో ఎంట్రీ ఇచ్చిందంటే ఆదా క్యారెక్టర్ ఎలా ఉంటుందో అర్ధం చేసుకోవాల్సిందే. ఇండస్ట్రీకి చెందిన గ్లామర్ బ్యూటీలు వారి అందాలను కేవలం సినిమాలకే అంకితం చేయరు. అప్పుడప్పుడు ఫాలోయింగ్ కోసం సోషల్ మీడియాలో కూడా అందాలను ఆరబోస్తుంటారు. అలాంటి ముద్దుగుమ్మల వరుసలో ఆదాశర్మ మొదటి వరుసలో ఉంటుంది.

నిజానికి వయ్యారి దగ్గర ఎంత టాలెంట్ ఉందో ఆ టాలెంట్ ను వాడుకొనే సినిమాలు మాత్రం రావడం లేదని వాపోతుందట. ఇక తెలుగులో ఎంట్రీ మూవీ హార్ట్ఎటాక్ బాక్సాఫీస్ వద్ద ఆడకపోయినా.. ఈ ఆదాకి అవకాశాలు మాత్రం బాగానే వచ్చాయి. అయితే అవకాశాల విషయంలో సరిగ్గా కేర్ తీసుకోలేదేమో.. తెలుగులో ఆదా పూర్తిగా మాయమైపోయింది. అడవిశేష్ తో క్షణం, అల్లు అర్జున్ తో సన్నాఫ్ సత్యమూర్తి లాంటి హిట్ చిత్రాలలో నటించింది. ఆ సినిమాలు హిట్టు కొట్టినా ఆదాకు మాత్రం క్రెడిట్ దక్కలేదు.

ఆదా చివరిగా కనిపించిన తెలుగు సినిమా కల్కి. ఈ సినిమాలో ఓ డాక్టర్ పాత్ర చేసింది. అంతే మళ్లీ తెలుగులో కనిపించలేదు. కానీ సోషల్ మీడియాలో ఫోటోషూట్లతో మాత్రం అభిమానులకు కిక్కెక్కిస్తోంది ఆదా. వెండితెర పై ఆదాఆదా అందాలు ఆరబోసే ఈ వయ్యారి.. సోషల్ మీడియాలో మాత్రం ఫుల్లుగా రెచ్చిపోతూ కుర్రాళ్లను అల్లాడిస్తోంది. నిత్యం కొత్త కొత్త స్టైల్‌లో రెడీ అయి ఫోటోలు, వీడియోలు షేర్ చేస్తూ ఉంటుంది. ఈ బ్యూటీకి సోషల్ మీడియాను ఎలా వాడుకోవాలో బాగా తెలుసు.

వెరైటీ క్యాస్టూమ్, స్టైలింగ్‌ తో నెటిజన్స్‌ను ఆకట్టుకుంటూ ఉంటుంది. నిజానికి ఆదాకి డేర్ కూడా ఎక్కువే. అందుకే అదిరిపోయే ఫీట్స్ చేస్తోంది. ఈ మధ్యే సముద్రపు ఒడ్డున పల్టీ జంప్స్ కొడుతూ వీడియో పోస్ట్ చేసింది. తాజాగా ఇంస్టాలో నాంచాక్ తిప్పుతూ దర్శనమిచ్చింది. అమ్మడు ఇక్కడ కూడా సముద్రతీరంలో వైట్ అండ్ వైట్ కరాటే డ్రెస్ ధరించి నాంచాక్ తిప్పింది. ఆ పోస్ట్ చూస్తూ నేటిజన్లు ఈ సొగసరి నాంచాక్ తిప్పడం కూడా అందంగానే ఉందంటూ కామెంట్స్ చేస్తున్నారు. ప్రస్తుతం ఆదా డేర్ వీడియో వైరల్ అవుతోంది.


వీడియో కోసం క్లిక్ చేయండి