యంగ్‌ హీరో ఆ జోనర్‌ నుండి బయటకు రాడా?

హీరో అన్నప్పుడు అన్ని రకాల పాత్రలు అన్ని రకాల జోనర్‌ ల్లో నటించాలి. అప్పుడే స్టార్‌ డమ్‌ దక్కుతుంది. ఒక్క జోనర్‌ లో చిక్కుకుని సినిమాలు చేస్తే ఆ జోనర్‌ ప్రేక్షకుల వరకు మాత్రమే ఆయన ఆకట్టుకుంటూ ఉంటాడు. ఇప్పుడు అడవి శేషు పరిస్థితి అలాగే ఉంది. ట్యాలెంటెడ్‌ హీరోగా పేరు దక్కించుకున్న అడవి శేషు వరుసగా థ్రిల్లర్‌.. యాక్షన్‌.. క్రైమ్‌ జోనర్‌ లకే పరిమితం అవుతున్నాడు. ప్రస్తుతం ఆయన చేస్తున్న మేజర్‌ సినిమా కూడా ఆ స్పెషల్‌ జోనర్‌ కు సంబంధించిన మూవీనే అనే విషయం తెల్సిందే. ఇక ఆ తర్వాత నటించబోతున్న హిట్‌ 2 కూడా క్రైమ్‌ థ్రిల్లర్ జోనర్‌ అనే విషయం తెల్సిందే.

అడవి శేషు ముందు ముందు కూడా అన్ని ఇలాంటి సినిమాలు మాత్రమే ఆయన చేస్తాడేమో అంటూ టాక్ వినిపిస్తుంది. కెరీర్‌ ఆరంభంలో రొమాంటిక్‌ లవ్‌ కమ్‌ ఎంటర్‌ టైనర్‌ సినిమా లను అడవి శేషు చేశాడు. కాని ఆ సమయంలో ఆయనకు ఆశించిన స్థాయిలో గుర్తింపు రాలేదు. ఎప్పుడైతే ఈ జోనర్‌ కు ఆయన మారాడో అప్పటి నుండి సక్సెస్ లు దక్కించుకుంటున్నాడు. కనుక మళ్లీ ఆయన రొమాంటిక్ జోనర్ లో సినిమా లు చేసే అవకాశం లేకపోవచ్చు అంటూ ఇండస్ట్రీ వర్గాల వారు అభిప్రాయం వ్యక్తం చేస్తున్నారు.

అడవి శేషు వరుసగా చేస్తున్న థ్రిల్లర్‌ సినిమాలు బాక్సాఫీస్ వద్ద మంచి విజయాలను దక్కించుకుంటున్న నేపథ్యంలో మేకర్స్ అంతా కూడా ఆయనకు అలాంటి కథలనే సిద్దం చేస్తున్నారు. కొత్త జోనర్‌ కు వెళ్లి ప్రయోగం చేయవద్దని వారు అనుకుంటున్నారు. సక్సెస్‌ లు దక్కుతున్నాయి కనుక అడవి శేషు కూడా అదే తరహా జోనర్‌ లో ముందుకు వెళ్తున్నాడు. ఇంకొన్నాళ్ల తర్వాత అయినా అడవి శేషు లవ్‌ కమ్‌ రొమాంటిక్ సినిమాల్లో నటిస్తాడేమో చూడాలి.