బాలీవుడ్ జాబితాలోకి అడవి శేష్.. గూఢచారి సినిమాతో!

తెలుగు హీరోల పేర్లు బాగానే వినిపిస్తున్నాయి. అయితే మన హీరోలు డైరెక్ట్ హిందీ సినిమాలు చేయకపోయినా అనువాదం రూపంలో ఉత్తర భారతీయులకు యూట్యూబ్ వేదిక పై అందుబాటులోనే ఉంటున్నాయి. అయితే దేశవ్యాప్తంగా సినిమాలు చూడటానికి జనాలు థియేటర్లకు వస్తారో రారో తెలియదు కానీ ప్రతి ఒక్కరూ యూట్యూబ్ లో మాత్రం అన్ని సినిమాలను తిరగేస్తుంటారు. అయితే యూట్యూబ్ లో ఎక్కువగా డబ్ అయ్యేవి తెలుగు హీరోల సినిమాలే. ఇప్పటికే వందల మిలియన్ల వ్యూస్ తో టాలీవుడ్ యుంగ్ హీరోలు ఎన్టీఆర్, రామ్, బెల్లంకొండ శ్రీనివాస్ లాంటి వారు అక్కడ కూడా బాగానే పాపులారిటీ సంపాదించుకున్నారు. ఎక్కడ లభించకపోయినా కావాల్సిన సినిమాలన్ని యూట్యూబ్ లో మాత్రం దొరుకుతాయి. వందల మిలియన్స్ వ్యూస్ దక్కించుకొని ఇప్పటికే బాలీవుడ్ లో మంచి ఫాలోయింగ్ సొంతం చేసుకుంటున్నారు సౌత్ హీరోలు.

తాజాగా ఆ లిస్టులోకి మరో టాలీవుడ్ హీరో చేరబోతున్నాడు. అతనే గూఢచారి అడవి శేష్. అడవి శేష్ ఈమధ్య సినిమాల విషయంలో ఎంతో జాగ్రత్త వహిస్తున్నాడు. అతని గత సినిమాలు చూస్తే ఈజీగా అర్ధమవుతుంది. అయితే శేష్ కూడా పాపులర్ యూట్యూబ్ హీరోల లిస్టులో చేరే సమయం వచ్చేసిందట. అడవి శేష్ నటించిన గూఢచారి సినిమా ఎంతటి హిట్ అయిందో అందరికి తెలిసిందే. ఆ సినిమా ప్రస్తుతం యూట్యూబ్ లో రికార్డు సృష్టిస్తోంది. హిందీలో డబ్ చేసి రిలీజ్ చేసిన గూఢచారి ప్రస్తుతం ఆన్ ఫైర్ అన్నట్లుగా మారింది. ఇప్పటివరకు అడవి శేష్ కెరీర్ లోనే 60 మిలియన్స్ వ్యూస్ దక్కించుకున్న సినిమా ఇదేనట. నిజానికి అడవి శేష్ మొహం కూడా బాలీవుడ్ ప్రేక్షకులకు సరిగ్గా తెలియదు. కానీ వ్యూస్ ఇలా రావడం మాత్రం విశేషం అనే చెప్పాలి. చాలామంది తెలుగు హీరోలు బాలీవుడ్ లో అడుగు పెడుతున్నారు. ఆ కోవలో శేష్ కూడా చేరతాడు. ఎందుకంటే ప్రస్తుతం అడవి శేష్ మేజర్ అనే సినిమాలో నటిస్తున్నాడు. ఈ సినిమా నేరుగా మల్టీలాంగ్వేజ్ లలో రిలీజ్ కాబోతుంది. అందుకే శేష్ కూడా బాలీవుడ్ ఇండస్ట్రీలో ఎంట్రీ ఇవ్వబోతున్నాడని వార్తలు వస్తున్నాయి. చూడాలి మరి యూట్యూబ్ తో హిందీ ప్రేక్షకులకు దగ్గరైన మేజర్ ఎలా ఉండబోతుందో..!!