కుర్ర హీరో టార్గెట్ బాలీవుడ్

క్షణం మూవీ రిలీజ్ అయ్యి, బ్లాక్ బస్టర్ అయిన తర్వాత.. అడివి శేష్ కు ఒక్కసారిగా స్టార్ ఇమేజ్ వచ్చేసిందని చెప్పాలి. అయితే ఈ మూవీలో కేరక్టర్లకు.. వారికి ఇప్పటివరకూ ఉన్న ఇమేజ్ కు భిన్నమైన వారిని ఎంచుకోవడం మొదట భయపడ్డాడట. తొలిరోజున ఓ క్యాప్ - డార్క్ గ్లాసెస్ పెట్టుకుని సినిమాకి వెళ్లాడట అడవి శేష్. జనాలు నవ్వుతారని భయపడితే.. వారినుంచి విపరీతమైన ప్రశంసలు రావడం ఆనందం కలిగించిందని అన్నాడీ హీరో.

ప్రస్తుతం క్షణం బాలీవుడ్ రీమేక్ కి పనులు ఊపందుకున్నాయి. హిందీలో కూడా తానే చేద్దామని అనుకుంటున్నట్లు చెప్పాడు అడివిశేష్. ఈ కాన్సెప్ట్ వేరే వారి చేతికి వెళ్లడం నిరుత్సాహం కలిగించే విషయం అంటున్నాడు. అంతే కాదు.. అసలు తాను బాలీవుడ్ యాక్టర్ అవ్వాలనే లక్ష్యంతోనే ఇండస్ట్రీకి వచ్చాడట. ప్రస్తుతం బాలీవుడ్ నుంచి ఆఫర్స్ వస్తున్నా.. టాలీవుడ్ మాదిరిగా మంచి రోల్స్ కాదని అంటున్నాడు. అందుకే ఇంకా బాలీవుడ్ అరంగేట్రం చేయలని వివరించాడు క్షణం హీరో.

క్షణం రిలీజ్ నుంచి ఇప్పటివరకూ పదికి పైగా ఆఫర్స్ వచ్చినా.. అన్నిటికీ నో చెప్పేశాడట. దీంతో కొడుకు కెరీర్ గురించి అడవిశేష్ అమ్మానాన్నలు భయపడుతున్నారట. అంతే కాదు.. ఇంటికి నడిచొచ్చే లక్ష్మిని కాదంటున్నాడని కూడా అంటున్నారట పేరెంట్స్. అయితే ఇప్పుడు తన దృష్టంతా.. క్షణంకి మించిన సినిమా తీయడమే అంటున్నాడు.