'అద్బుతం'ను ఓటీటీలో ఆవిష్కరించబోతున్నారట

బాల నటుడిగా ఎన్నో సినిమాల్లో నటించిన తేజ సజ్జ పూర్తి స్థాయి హీరోగా మారిపోయాడు. సమంత నటించిన ఓ బేబీ సినిమాలో కనిపించి ఆశ్చర్యపర్చిన తేజ జాంబీ రెడ్డి మరియు ఇష్క్‌ సినిమాల్లో హీరోగా నటించి మెప్పించాడు. ఈయన ప్రస్తుతం అద్బుతం తో ప్రేక్షకుల ముందుకు వచ్చేందుకు సిద్దం అవుతున్నాడు. చాలా రోజులుగా ఈ సినిమా గురించిన చర్చ జరుగుతోంది. జీవిత రాజశేఖర్ తనయ శివాని ఈ సినిమా లో హీరోయిన్‌ గా నటించింది. విభిన్నమైన కాన్సెప్ట్‌ తో రూపొందిన ఈ సినిమా ను థియేటర్ల ద్వారా ప్రేక్షకుల ముందుకు తీసుకు రావాలని చాలా ప్రయత్నించారు. కాని వరుసగా వస్తున్న పెద్ద సినిమాల మద్యలో ఈ సినిమాను విడుదల చేయడం వల్ల నష్టం తప్పదనే ఉద్దేశ్యంతో మేకర్స్ ఓటీటీకి వెళ్లబోతున్నట్లుగా ప్రకటించారు.

అద్బుతం సినిమాను స్టార్‌ నెట్ వర్క్ తీసుకున్నట్లుగా అధికారిక ప్రకటన వచ్చింది. డిస్నీ ప్లస్ హాట్‌ స్టార్‌ లో ఈ సినిమాను డైరెక్ట్‌ స్ట్రీమింగ్‌ చేయబోతున్నట్లుగా ప్రకటన వచ్చింది. నవంబర్‌ 19న ఈ సినిమాను స్ట్రీమింగ్‌ చేయబోతున్నట్లుగా అధికారికంగా వెళ్లడించారు. అద్బుతం సినిమాలో తేజ మరియు శివానిల జోడీకి మంచి మార్కులు పడటం ఖాయం అంటూ యూనిట్‌ సభ్యులు నమ్మకంగా చెబుతున్నారు. ఈ సినిమాను ఓటీటీ డిస్నీ ప్లస్ హాట్‌ స్టార్‌ స్ట్రీమింగ్ చేయబోతుండగా స్టార్‌ మా లో ఈ సినిమాను టెలికాస్ట్‌ చేయబోతున్నారు.

నటుడిగా జాంబీ రెడ్డి మరియు ఇష్క్‌ సినిమాలతో మెప్పించిన తేజ ఈ సినిమా తో మరింతగా జనాలకు దగ్గర అవ్వడం ఖాయంగా తెలుస్తోంది. అద్బుతం సినిమా చిత్రీకరణ మొదలు పెట్టిన సమయంలో థియేటర్ రిలీజ్ అనుకున్నారు. కాని ఇప్పుడు థియేటర్ రిలీజ్ ను స్కిప్‌ చేస్తున్నట్లుగా పేర్కొన్నారు. తేజ సజ్జ మరో వైపు ప్రశాంత్‌ వర్మ దర్శకత్వంలో హనుమాన్ సినిమాలో నటిస్తున్నాడు. మొదటి తెలుగు సూపర్ మ్యాన్ సినిమా అంటూ ఈ సినిమాపై అంచనాలు భారీగా పెంచేస్తున్నారు. మరి ఆ సినిమా అయినా థియేటర్ రిలీజ్ అవ్వాలని తేజ సన్నిహితులు మరియు అభిమానులు కోరుకుంటున్నారు. జాంబీ రెడ్డి కమర్షియల్‌ గా సక్సెస్ అవ్వగా.. ఇష్క నిరాశ పర్చింది. అద్బుతం సినిమా థియేటర్‌ రిలీజ్ లేకపోవడం వల్ల టాక్ ఎలా ఉంటుందో అనేది చూడాలి.