శ్రీమంతుడులో రెండు కొత్త సీన్లు

ప్రిన్స్ మ‌హేష్‌ బాబు లేటెస్ట్ బ్లాక్‌ బ‌స్ట‌ర్ మూవీ శ్రీమంతుడు సినిమాలో కొత్త సీన్లు యాడ్ అవుతున్నాయి. నాలుగో వారంలోకి ఎంట్రీ ఇచ్చినా ఇంకా శ్రీమంతుడు స‌క్సెస్ ఫుల్‌ గా ర‌న్ అవుతోంది. ఇప్ప‌టికే రూ.80 కోట్ల షేర్ ద‌రిదాపుల‌కు చేరుకున్న ఈ సినిమా లాంగ్ ర‌న్‌ లో రూ.100 కోట్ల మార్క్ దిశ‌గా దూసుకువెళుతుంది. ఇటీవ‌ల వ‌చ్చిన కిక్ 2 సినిమా అంచ‌నాల‌ను అందుకోలేక‌పోవ‌డంతో ఈ గ్యాప్‌ ను శ్రీమంతుడు టీం క్యాష్ చేసుకోనుంది.

ఇందుకోసం సినిమాలో షూట్ చేసి ఎడిటింగ్‌ లో తీసేసిన రెండు సీన్ల‌ను క‌లుపుతున్నారు. సినిమా ట్రైల‌ర్‌ లో చూపించిన‌ట్టు దేవ‌ర‌కోట గ్రామ‌స్తులంద‌రు ఊరు వ‌దిలి వెళ్లిపోయే సీన్‌ తో పాటు విల‌న్ సంప‌త్‌ రాజ్ రాజేంద్ర‌ప్ర‌సాద్ వ‌ద్ద‌కు వ‌చ్చి గ్రామం మొత్తం ఖాళీ చేయాల‌ని వార్నింగ్ ఇచ్చే సీన్ల‌ను క‌ల‌ప‌నున్నారు.

ఈ రెండు సీన్ల ఎడిట్ చేయ‌క‌ముందు మూవీ ర‌న్ టైం 2.43 గంట‌ల‌తో బాగా లెన్దీ గా ఉంది. సినిమాకు ఎలాగు హిట్ వ‌చ్చినందున ఈ రెండు సీన్ల యాడ్‌ తో రిపీటెడ్ ఆడియెన్స్‌ ను రాబ‌ట్టుకునేందుకు శ్రీమంతుడు టీం స‌రికొత్త ప్లాన్ వేసింది. కిక్ 2 మూవీకి నెగిటివ్ టాక్ రావ‌డంతో సినిమా ర‌న్ టైంను 20 నిమిషాల పాటు ట్రిమ్ చేశారు. శ్రీమంతుడు ఎలాగు హిట్ టాక్‌ తో న‌డుస్తున్నందున అద‌న‌పు సీన్లు యాడ్ చేసినా వ‌చ్చే న‌ష్టం ఉండ‌దు.

టాలీవుడ్‌ లో నాన్ బాహుబ‌లి సినిమాల రికార్డుల‌న్నింటిని తిర‌గ‌రాసిన శ్రీమంతుడు అద‌న‌పు సీన్ల‌ తో ఇంకెన్ని కొత్త రికార్డులు క్రియేట్ చేస్తుందో చూడాలి.