రంగస్థలంలో.. సింపుల్ కాదు చంపేశాడు

రంగస్థలం మూవీలో హీరో రామ్ చరణ్ పోషించిన చిట్టి బాబు పాత్రకు అన్నయ్య రోల్ అయిన కుమార్ బాబుగా ఆది పినిశెట్టి నటించిన విషయం తెలిసిందే. తనే ఒక హీరో.. విలన్ కూడా అయిన ఆది.. ఏ మాత్రం భేషజం లేకుండా ఈ సినిమాలో సింపుల్ పాత్రలో నటించడం అందరినీ అలరించింది.. మెప్పించింది కూడా.

అయితే.. రంగస్థలం మూవీలో ఆది రోల్ చాలావరకూ సెటిల్డ్ పెర్ఫామెన్స్ తో సాగుతుంది కానీ.. కొన్ని సన్నివేశాలు మాత్రం జనాలను సీట్లో కూర్చోనివ్వవు. ముఖ్యంగా శత్రువులు ఆదిపై దాడి చేసి చంపేసేందుకు ప్రయత్నించే సీన్ లోను.. కుమార్ బాబు పాత్ర చనిపోయే సన్నివేశంలోనూ ఆది పినిశెట్టి నటనను ఎంతగా పొగిడినా తక్కువే. అయితే.. సెట్ లోనో.. లొకేషన్ లోనో ఆ సీన్ చేయడం వేరు. ఆ సీన్ అంతగా పండాలంటే.. డబ్బింగ్ ఇంకా ముఖ్యం. పైగా ఆ సన్నివేశాల్లో ఎక్కడా ఆదికి ఫీలింగ్స్ తప్ప.. అసలు డైలాగులే అంతగా ఉండవు.

మరి అలాంటి సీన్స్ ను రక్తి కట్టించడంలో డబ్బింగ్ కీలకం అవుతుంది. ఆ సన్నివేశాలకు సంబంధించి.. ఆది డబ్బింగ్ చెబుతున్న సీన్స్.. ఇప్పుడు నెట్ లో వైరల్ అవుతున్నాయి. అప్పుడు తాను నటించిన పాత్రను చూసుకుంటూ.. అదే ఎమోషన్ ను మళ్లీ క్యారీ చేస్తూ.. చిట్టి చిట్టి అంటూ ఒక్క మాటతోనే.. ఆ సీన్ లోని ఎమోషన్ ను ఆది డబ్బింగ్ రూపంలో ఎక్స్ ప్రెస్ చేస్తున్న తీరు అద్భుతం అనాల్సిందే. పక్కనే ఉన్న దర్శకుడు సుకుమార్.. ప్రతీ సన్నివేశానికి శాటిస్ఫై అయ్యేవరకూ డబ్బింగ్ చెబుతూనే ఉన్నాడు ఆది.

వీడియో కోసం క్లిక్ చేయండి