పవన్‌ చాలా ఫ్రెండ్లీగా మాట్లాడారు

ఆది సాయి కుమార్‌ హీరోగా నటించిన శశి సినిమా విడుదలకు సిద్దంగా ఉంది. ఈ సినిమా ప్రమోషన్ లో భాగంగా హీరో ఆది మీడియాకు ఇచ్చిన ఇంటర్వ్యూలో పలు ఆసక్తికర విషయాలను చెప్పుకొచ్చాడు. ఈ సినిమా కథ విన్న వెంటనే ఎగ్జైట్ అయ్యాను. దర్శకుడు శ్రీనివాస్‌ నాయుడు మొదటి సారి కలిసిన సమయంలోనే కథను చెప్పాడు. కథ బాగా నచ్చింది. రెండు వేరియేషన్స్ ఉన్న పాత్రలో నేను కనిపించబోతున్నాను. ఈ సినిమాలోని ఒక వేరియేషన్‌ లుక్ కోసం రెండు నెలలకు పైగా కష్టపడ్డాను అన్నాడు. నా బాడీ లాంగ్వేజ్ మరియు లుక్ విషయంలో ప్రేక్షకులు కొత్తగా ఫీల్ అవుతారనే నమ్మకం ఉంది. ప్రేమ ను స్నేహంను బ్యాలన్స్ చేస్తూ సాగే పాత్రలో కనిపించబోతున్నాను అన్నాడు.

'శశి' ట్రైలర్ ను పవన్‌ కళ్యాణ్‌ గారి చేతుల మీదుగా విడుదల చేయించాం. ఆయన చాలా ఫ్రెండ్లీగా మాట్లాడారు. ఆయన అంత జోవియల్ గా మాట్లాడుతారని తాను భావించలేదు. ఆయన సరదాగా మాట్లాడారు. ఆయన మా సినిమా ట్రైలర్ ను విడుదల చేయడం చాలా సంతోషంగా అనిపించింది. ఇక ఈ సినిమా కోసం నిర్మాతలు చాలా కష్టపడ్డారు. సినిమా లోని ఒకే ఒక లోపం.. పాట ఇంత పెద్ద సక్సెస్‌ అవుతుందనుకోలేదు. ఆ పాట కు వచ్చిన ఆధరణ చూస్తుంటే చాలా సంతోషంగా ఉంది. సినిమా కూడా తప్పకుండా ప్రతి ఒక్కరిని ఆకట్టుకునే విధంగా ఉంటుందనే నమ్మకంను ఆది వ్యక్తం చేశాడు. రేపు శశి ప్రేక్షకుల ముందుకు వస్తున్న విషయం తెల్సిందే.