పిక్ టాక్ : 'ఆదిపురుష్‌' ఆన్ లొకేషన్‌

యంగ్ రెబల్ స్టార్ ప్రభాస్ ప్రస్తుతం ఆదిపురుష్‌ షూటింగ్‌ లో ఉన్నాడు. ముంబయిలో ప్రత్యేకంగా వేసిన సెట్టింగ్‌ లో ఈ సినిమా షూటింగ్ జరుగుతోంది. ఈ సినిమా చిత్రీకరణ ఎక్కువ గ్రీన్ మ్యాట్ లో జరుగుతోంది. ఇండియాలో ఇప్పటి వరకు ఏ సినిమా కూడా ఈ స్థాయి బడ్జెట్‌ తో రూపొందింది లేదు. భారీ మోషన్ గ్రాఫిక్స్ మూవీగా రూపొందుతున్న ఈ సినిమా షూటింగ్‌ ను ఈ ఏడాది చివరి వరకు ముగించేలా ప్లాన్ చేస్తున్నారు. హాలీవుడ్‌ వీఎఫ్‌ఎక్స్ ఎక్స్‌పర్ట్స్ ఈ సినిమాకు వర్క్ చేస్తున్నట్లుగా తెలుస్తోంది. రామాయణం ఇతి వృత్తంను చాలా విభిన్నంగా చూపించబోతున్నట్లుగా ఇప్పటికే యూనిట్‌ సభ్యులు చెబుతున్నాయు ఆదిపురుషుడు అయిన రాముడి పాత్రలో ప్రభాస్ ను చూడాలని అభిమానులు చాలా కాలంగా ఎంతో ఆసక్తిగా ఎదురు చూస్తున్నారు. ఈ సినిమా ఫస్ట్‌ లుక్ అతి త్వరలోనే వస్తుందనే నమ్మకంతో అభిమానులు ఎదురు చూస్తున్నారు.

ఈ సినిమా ప్రారంభం అయినప్పటి నుండి ఆన్‌ లొకేషన్‌ స్టిల్స్ రివీల్ అవుతూనే ఉన్నాయి. కాని ఇప్పటి వరకు నటీ నటులు వారి వారి పాత్రల కాస్ట్యూమ్స్ లో ఉన్న స్టిల్స్ మాత్రం బయటకు రాలేదు. తాజాగా కూడా లక్ష్మణుడి పాత్రలో నటిస్తున్న సన్నీ సింగ్‌ తీసిన సెల్ఫీ బయటకు వచ్చింది. ఈ సెల్ఫీలో రెబల్‌ స్టార్‌ ప్రభాస్ తో పాటు సన్నీ సింగ్ మరియు దర్శకుడు ఓమ్‌ రౌత్‌ కూడా ఉన్నారు. షూటింగ్ లో బ్రేక్ లేకుండా పాల్గొంటున్న ప్రభాస్ యాక్టివ్ గా సినిమాలో నటిస్తూ ఉన్నాడు. ప్రభాస్ మొన్నటి వరకు సలార్‌ చిత్రీకరణ లో పాల్గొని వెంటనే ఆదిపురుష్ లో జాయిన్ అయిన విషయం తెల్సిందే.

ప్రభాస్‌ రాధే శ్యామ్‌ షూటింగ్‌ పూర్తి అయ్యి విడుదలకు సిద్దంగా ఉంది. సంక్రాంతికి రాధేశ్యామ్‌ సినిమాను విడుదల చేసేందుకు గాను ఏర్పాట్లు చేస్తున్నట్లుగా అధికారికంగా ప్రకటన వచ్చింది. విడుదల విషయంలో మరోసారి స్పష్టత ఇచ్చే అవకాశాలు ఉన్నాయి. ఇక కేజీఎఫ్ డైరెక్టర్‌ ప్రశాంత్ నీల్ దర్శకత్వంలో రూపొందుతున్న సలార్ సినిమా షూటింగ్‌ కూడా స్పీడ్‌ గా సాగుతోంది. వచ్చే ఏడాది సమ్మర్ లో విడుదల చేసేలా ఏర్పాట్లు చేస్తున్నారు. మరో వైపు ఆదిపురుష్ సినిమాను 2022 ఆగస్టులో విడుదల చేయాలని భావించారు. అయితే కరోనా కారణంగా సినిమా షూటింగ్ ఆలస్యం అయ్యింది. కనుక విడుదల తేదీ మారుతుందనే వార్తలు వస్తున్నాయి. ఇక వచ్చే ఏడాదిలో నాగ్‌ అశ్విన్ దర్శకత్వంలో ప్రాజెక్ట్‌ కే సినిమా ప్రారంభం కాబోతుంది. ఇవి కాకుండా ఇంకా పలు సినిమాలు కూడా చర్చల దశలో ఉన్నాయి.