ఆదిపురుష్ షెడ్యూల్ మళ్లీ ముంబైకే షిఫ్ట్ అయ్యిందా..??

పాన్ ఇండియా స్టార్ ప్రభాస్ ప్రస్తుతం చేస్తున్నవన్నీ పాన్ ఇండియా సినిమాలే. బాహుబలి తర్వాత ప్రభాస్ ప్రతి సినిమా దేశవ్యాప్తంగా రిలీజ్ అవుతోంది. అయితే ప్రస్తుతం ప్రభాస్ సాలిడ్ యాక్షన్ మూవీ సలార్ తో పాటు మైథలాజికల్ ఫిల్మ్ ఆదిపురుష్ షూటింగ్ కూడా షెడ్యూల్ చేసుకుంటూ పోతున్నాడు. ఇంతలో కరోనా మహమ్మారి కారణంగా షూటింగ్స్ సినిమాలు థియేటర్స్ అన్ని ఎక్కడివక్కడే నిలిచిపోయాయి. అందుకే మేకర్స్ యాక్టర్స్ కూడా ఎవరిళ్లకు వారే పరిమితం అయిపోయారు. సినిమాలు షూటింగ్స్ లేకపోయేసరికి సెలబ్రిటీలు ఎలాంటి రిస్క్ తీసుకోకుండా ఇళ్లలోనే ఉంటున్నారు. కానీ అప్పుడప్పుడు సోషల్ మీడియాలో ఫ్యాన్స్ తో ఇంటరాక్ట్ అవుతున్నారు.

ప్రస్తుతం ప్రభాస్ నటిస్తున్న ఆదిపురుష్ సినిమా గురించి పలు వార్తలు సోషల్ మీడియాలో హల్చల్ చేస్తున్నాయి. ఏంటంటే.. తానాజీ ఫేమ్ ఓం రౌత్ దర్శకత్వం వహిస్తున్న ఆదిపురుష్ సినిమా షూటింగ్ ముంబైలో నిలిచిన సంగతి తెలిసిందే. ఇప్పటివరకు ఆదిపురుష్ రెండు నెలల షూటింగ్ పూర్తిచేసుకుంది. ఇంకా మూడు నెలల షూటింగ్ బాలన్స్ ఉందని తెలిపారు. అయితే ఫస్ట్ నుండి కూడా ఆదిపురుష్ షూటింగ్ ముంబైలోని ఓ ప్రైవేట్ స్టూడియోలో జరుగుతుంది. ఈ సినిమా పూర్తిగా ఇండోర్ లోనే షూట్ జరుపుకుంటుంది. తాజాగా ఆదిపురుష్ షూటింగ్ పై అప్డేట్స్ హల్చల్ చేస్తున్నాయి. ఏంటంటే.. ఆదిపురుష్ బృందం త్వరలోనే హైదరాబాద్ లో షూటింగ్ జరిపే ఆలోచనలో ఉన్నట్లు వార్తలు వినిపించాయి.

ముంబైలో కరోనా మహమ్మారి ప్రభావం తీవ్రంగా ఉండటంతో లాక్డౌన్ పడి షూటింగ్ జరిపే అవకాశం లేదు. అందుకే ఆదిపురుష్ బృందం హైదరాబాద్ లో షూటింగ్ కంప్లీట్ చేయాలనీ భావించారు. అందుకోసం హైదరాబాద్ లో సెట్ కూడా రెడీ అవుతోంది. కానీ ఇప్పుడు మళ్లీ హైదరాబాద్ కంటే ముందు మరో షెడ్యూల్ ముంబైలోనే ప్లాన్ చేస్తున్నారట. ఎందుకంటే ఇటీవలే మహారాష్ట్ర ప్రభుత్వం షూటింగ్స్ జూన్ 15నుండి జరుపుకోవచ్చని పర్మిషన్ ఇచ్చింది. ఇప్పుడు రావణాసురుడుగా నటిస్తున్న సైఫ్ అలీఖాన్ డేట్స్ ఇచ్చేసాడట. అందుకే మేకర్స్ ఎలాగో ఆ షెడ్యూల్ కంప్లీట్ చేశాకే హైదరాబాద్ లో షెడ్యూల్ ప్లాన్ చేయాలనీ అనుకుంటున్నారట. అయితే ఈ రెండు షెడ్యూల్స్ గ్యాప్ లో ప్రభాస్ సలార్ షూటింగ్ లో పాల్గొంటాడని టాక్. ఈ సినిమాలో ప్రభాస్ రాముడు కాగా సీతగా కృతిసనన్ నటిస్తోంది. చూడాలి మరి ఓం రౌత్ ప్రణాళిక సిద్ధం చేసాడో..!