అమ్మ‌డు కూడా.. హైద‌రాబాదీనేన‌ట‌

దూర‌పు కొండ‌లు నునుపు అనే సామెత మ‌న టాలీవుడ్ కు స‌రిగ్గా స‌రిపోతుంది. ఇక్క‌డి అందాల్ని లైట్ తీసుకునే సినీ ప్ర‌ముఖులు అక్క‌డెక్క‌డో కేర‌ళ అందాల్ని.. ఇంకెక్కడో స‌దూరాన ఉండే అందాల భామ‌ల్ని వెతికి మ‌రీ తీసుకొస్తుంటారు. చేతిలో ఉన్న తెలుగు భామ‌లు.. ఆ మాట‌కు వ‌స్తే.. హైద‌రాబాదీ సోయ‌గాలు ఉన్నా.. మ‌నోళ్ల కంట్లో మాత్రం అస్స‌లు ప‌డ‌వు. అలా అని మ‌న హైద‌రాబాదీ అందాలేమైనా త‌క్కువ‌గా అంటే.. బాలీవుడ్‌ లో త‌ళుక్కుమ‌నే అందాల్లో కొన్ని అస‌లుసిస‌లు హైద‌రాబాదీ అందాలే క‌నిపిస్తాయి. పెర‌టి చెట్టు వైద్యానికి ప‌నికిరాన‌ట్లు.. హైద‌రాబాదీ కంటే కూడా.. బాలీవుడ్ వెళ్లి.. అక్క‌డ స్టాంప్ వేయించుకున్నాక‌.. మ‌నోళ్ల కంట్లో ప‌డే సంద‌ర్భాలు చాలానే క‌నిపిస్తాయి

అలంటి వాటికి తాజా సాక్ష్యం అదితీరావు. మ‌ణిర‌త్నం తాజా మూవీ చెలియ సినిమాలో న‌టించిన అదితీరావు సైతం హైద‌రాబాదీనే. ప్ర‌స్తుతం బాలీవుడ్‌లో ప‌లు సినిమాలు చేస్తున్న ఆమె.. త‌న‌కు సంబంధించిన ముచ్చ‌ట్లు చెప్పుకొస్తూ.. త‌న నేప‌థ్యాన్ని చెప్పుకొచ్చారు. తాను అస‌లుసిస‌లు హైద‌రాబాదీనేన‌ని ఆమె వెల్ల‌డించారు. త‌న‌కు భాష‌తో సంబంధం లేద‌ని.. మంచి ఆఫ‌ర్ అయితే చాలు.. ప‌ని చేయ‌టానికి సిద్ధ‌మ‌న్నారు.

అందుకే.. హిందీ సినిమాలు చేస్తూనే.. మ‌ణిర‌త్నం సినిమాలో చేసే అవ‌కాశం ద‌క్కిన వెంట‌నే మ‌రో ఆలోచ‌న లేకుండా ఓకే చేసిన‌ట్లు చెప్పారు. ఏ ఆర్టిస్ట్ లోప‌ల దాగి ఉన్న కొత్త న‌టుల్ని బ‌య‌ట‌కు తీసుకొచ్చే టాలెంట్ మ‌ణిసార్ సొంత‌మ‌ని పొగిడేసిన భామ‌.. తెలుగులో సినిమాలు చేయ‌టానికైనా సిద్ధ‌మ‌ని చెప్పేసింది. మ‌రి.. అదితీ ఉత్సాహాన్ని మ‌నోళ్లు ఎంత‌మేర రియాక్ట్ అవుతారో చూడాలి.

Like Us on Facebook : https://www.facebook.com/Tupakidotcom/