వరుణ్ కోసం బాలీవుడ్ పిల్ల!!

మెగా ఫ్యామిలీలో అందరు ఒక దారిలో వెళుతుంటే అందులో బెస్ట్ ఫిజిక్ ఉన్న వరుణ్ తేజ్ మాత్రం డిఫెరెంట్ కథలను ఎంచుకుంటున్నాడు. ఫిదా - తొలి ప్రేమ సక్సెస్ లతో వరుణ్ మంచి హిట్స్ అందుకున్న సంగతి తెలిసిందే. తనకంటూ ఒక మార్కెట్ ను సెట్ చేసుకొని రెమ్యునరేషన్ కూడా పెంచేశాడు. అయితే ఈ మెగా హీరో నెక్స్ట్ సినిమా కేరీర్ లోనే బెస్ట్ సినిమాగా నిలవడం పక్కా అని తెలుస్తోంది. ప్రతి హీరో కెరీర్ కి చెప్పుకోదగ్గ సినిమాలు కొన్ని ఉంటాయి.

ఇప్పుడు స్పెస్ తరహాలో రాబోయే సినిమా వరుణ్ కెరీర్ లో బెస్ట్ సినిమా కానుందట. అందుకే నిర్మాతలు కూడా సినిమా కథను బట్టి బడ్జెట్ కూడా కొంచెం ఎక్కువగానే పెడుతున్నారు. ఘాజి సినిమాతో సక్సెస్ అందుకున్న సంకల్ప్ రెడ్డి సినిమాకు దర్శకత్వం వహించబోతోన్న సంగతి తెలిసిందే. ఇకపోతే సినిమాలో హీరోయిన్ కోసం గత కొంత కాలంగా చిత్ర యూనిట్ చాలా సెర్చ్ చేసింది. మొదట కొంత మంది మోడల్స్ తో ఆడిషన్ చేశారు. కానీ ఎవరు పాత్రకు సెట్ అవ్వకపోవడంతో బాలీవుడ్ సెక్సీ పిల్లను సెట్ చేశారు.

ప్రస్తుతం తెలుగు అవకాశాలను ఎక్కువగా అందుకుంటున్న అదితి రావ్ అయితే కరెక్ట్ అని దర్శకనిర్మాతలు అనుకున్నారట. కథ నచ్చడంతో ఆమె ప్రస్తుతం డేట్స్ అడ్జస్ట్ చేసే పనిలో ఉందట. ఇక వచ్చే నెల ఎండ్ లో సినిమాను పట్టాలెక్కించేందుకు దర్శకుడు ప్లాన్ వేస్తున్నాడు. ఈ ఇయర్ ఎండింగ్ లోనే సినిమా రిలీజ్ ఉంటుందట. ఇక ప్రస్తుతం వరుణ్ పాత్రకు తగ్గట్టుగా వెయిట్ తగ్గించే పనిలో బిజీగా ఉన్నాడు.