శంక‌ర్ కూతురు వ‌రుస షాకులిస్తోంది

ఇండ‌స్ట్రీలోకి వార‌సుల ప‌రంప‌ర గ‌త కొన్నేళ్లుగా కొన‌సాగుతూనే వుంది. అయితే టాప్ డైరెక్ట‌ర్ ల ఫ్యామిలీస్ నుంచి హీరోయిన్‌లుగా ప‌రిచ‌యం అవుతున్న వాళ్లు మాత్రం అరుదుగానే వుంటున్నారు. అలా దేశ వ్యాప్తంగా ద‌ర్శ‌కుడిగా ప్ర‌త్యేక‌మైన గుర్తింపుని సొంతం చేసుకున్న ద‌ర్శ‌కుడు శంక‌ర్ ఫ్యామిలీ నుంచి ఆయ‌న ముద్దుల కూతురు అదితి శంక‌ర్ హీరోయిన్ గా తెరంగేట్రం చేస్తున్న విష‌యం తెలిసిందే.

కార్తీ హీరోగా రూపొందుతున్న త‌మిళ చిత్రం `విరుమ‌న్` ద్వారా అదితి శంక‌ర్ హీరోయిన్‌గా ప‌రిచ‌యం అవుతోంది. `కొంబ‌న్‌` ఫేమ్ ముత్తయ్య డైరెక్ట్ చేస్తున్న ఈ సినిమాని హీరో సూర్య 2డీ ఎంట‌ర్‌టైన్‌మెంట్ బ్యాన‌ర్ పై అత్యంత ప్ర‌తిష్టాత్మ‌కంగా నిర్మిస్తున్నారు. ఈ మూవీ ఇటీవ‌లే పూజా కార్య‌క్ర‌మాల‌తో లాంఛ‌నంగా చెన్నైలో ప్రారంభ‌మైంది. వ‌చ్చే ఏడాది స‌మ్మ‌ర్ కు ఈ చిత్రాన్ని రిలీజ్ చేయాల‌ని హీరో సూర్య ప్లాన్ చేశారు.

ఫ్యామిలీ ఎంట‌ర్‌టైన‌ర్‌గా రూపొందుతున్న ఈ మూవీ అండ‌ర్ ప్రొడ‌క్ష‌న్ లో వుండ‌గానే శంక‌ర్ కూతురు అదితి శంక‌ర్ మ‌రో సినిమాకు గ్రీన్ సిగ్న‌ల్ ఇచ్చేసింది. అది శింబు చిత్రానికి కావ‌డం కోలీవుడ్ లో హాట్ టాపిక్ గా మారింది. తాజాగా `మానాడు` సినిమాతో స‌క్సెస్ ని సొంతం చేసుకున్న శింబు ఈ మూవీ త‌రువాత గోకుల్ డైరెక్ట్ చేయ‌నున్న సినిమా చేయ‌బోతున్నారు. ఈ చిత్రంలో శింబుకు జోడీగా అదితి శంక‌ర్ న‌టించ‌డానికి తాజాగా అంగీక‌రించింది.

వేల్స్ ఫిల్మ్ ఇంట‌ర్నేష‌న‌ల్ ఈ చిత్రాన్ని నిర్మించ‌నుంది. ఈ చిత్రానికి `క‌రోనా కుమార్` అని టైటిల్‌ని ఫైన‌ల్ చేశారు. గౌత‌మ్ వాసు మీన‌న్ రూపొందిస్తున్న `వెందు తానింథాతు కాదు` చిత్రంలో న‌టిస్తున్నాడు శింబు. ఈ సినిమా పూర్తి కాగానే గోకుల్ `క‌రోనా కుమార్‌` చిత్రాన్ని సెట్స్ పైకి తీసుకెళ‌తార‌ట‌. అదితి శంక‌ర్ ఇటీవ‌లే మెడిసిన్ పూర్తి చేసి డాక్ట‌ర్ ప‌ట్టా పొందిన విష‌యం తెలిసిందే.