షాకిచ్చిన శేష్.. క్యాస్టింగ్ కోచ్ సెగ తగిలిందట!

క్యాస్టింగ్ కోచ్ అనగానే మహిళలను వేధించే పురుషులే మన మనసులో మెదులుతారు. అందుకే క్యాస్టింగ్ కోచ్ అనే పదానికి ఫిమేల్ కాస్టింగ్ కోచ్ అని సాధారణ అర్థం. అంటే మగవారిని ఎవరూ వేధించరా? సెక్సువల్ ఫెవర్స్ కోరకుండా ఉంటారా? ఇలా కూడా జరుగుతుంది కానీ ఫిమేల్ క్యాస్టింగ్ కోచ్ తరహాలో ప్రబలంగా లేకపోవచ్చు. కానీ ఉంది. ఈ విషయాన్ని ఇప్పటికే బాలీవుడ్ లో రణవీర్ సింగ్ లాంటివారు వెల్లడించారు. అవకాశాల కోసం ప్రయత్నిస్తున్న రోజుల్లో క్యాస్టింగ్ కోచ్ ఎదుర్కొన్నానని చాలా రోజుల క్రితమే రణవీర్ చెప్పాడు. రణవీర్ సింగ్ దాకా ఎందుకు మన తెలుగు గూఢచారి అడివి శేష్ భయ్యాకు ఇలాంటిది ఎదురైందట.

రీసెంట్ గా ఒక ఇంటర్వ్యూలో తను కూడా క్యాస్టింగ్ కోచ్ సెగ తగలిందని ఒప్పుకున్నాడు. తన 'క్షణం' సినిమాను హిందీలో రీమేక్ చేయవచ్చని.. బాలీవుడ్ లో అడుగు పెట్టవచ్చని అనుకున్నాడట. కానీ ముంబైలో ఒకరు కమిట్మెంట్ తరహాలో కోరికలు బయటపెట్టడంతో అవాక్కయ్యాడట. అసలే ముంబై కదా.. కమిట్ మెంట్ అనగానే అక్కడ మన శేష్ భయ్యా అందం చూసి పడిపోయిన 'జెంట్' అనుకుంటారేమో .. కాదట!. అలాంటి అసభ్యకరమైన ప్రపోజల్ ఇచ్చింది ఒక లేడీ నుంచి అంట. కాకపోతే ఎంతో సున్నితంగా.. పరోక్షంగా ఈ ప్రపోజల్ ఇచ్చిందట. ఇది అర్థం చేసుకున్న శేష్ భయ్యా ఎక్కువ టైమ్ వేస్ట్ చెయ్యకుండా హైదరాబాద్ తిరిగి వచ్చాడట.

ఈ క్యాస్టింగ్ కోచ్ సంగతి పక్కన పెడితే శేష్ నటించిన క్రైమ్ థ్రిల్లర్ 'ఎవరు' ఆగష్టు 15 న ప్రేక్షకుల ముందుకు రానుంది. వెంకట్ రాంజీ దర్శకత్వంలో తెరకెక్కిన ఈ సినిమాలో రెజీనా.. నవీన్ చంద్ర ఇతర కీలక పాత్రల్లో నటించారు.