గూఢచారిగా శేష్

టాలీవుడ్ లో ప్రస్తుతం ఎంతో మంది హీరోలు ఉన్నారు. చాలా వరకు ప్రతి ఒక్క హీరో కొత్త ధనం లేనిదే స్క్రిప్ట్ ఒకే చేయడం లేదు. ప్రేక్షకుల అభిరుచికి తగ్గట్టు ఏదైనా కొత్త పాయింట్ ఉండాలని కథల విషయంలో చాలా జాగ్రత్తగా ఉంటున్నారు. ఫైనల్ గా సినిమాను రిలీజ్ చేసి మినిమం కలెక్షన్స్ ని అందుకుంటున్నారు. మరి ఇలాంటి పోటీలో నివాలంటే చిన్న హీరోలు వారి కంటే హై లెవెల్ లో ఉండే వెరైటీ కథతో వస్తేనే ఎవ్వరైనా హిట్టు కొట్టగలరు.

ఇప్పుడు అదే తరహాలో సినిమాలను చేస్తున్నాడు యువ నటుడు అడివి శేష్. హీరోగా ఎంట్రీ ఇచ్చినా కూడా తనదైన శైలిలో సపోర్టింగ్ ఆర్టిస్ గాను విలన్ గాను కనిపిస్తూ నటుడిగా నిలదొక్కుకోవాలని ప్రయత్నాలు చేస్తున్నాడు. గతేడాది క్షణం మూవీ తో ఎవరు ఉహించని విధంగా హిట్టు అందుకున్న ఈ హీరో మరోసారి మరో వినూత్న కథతో రాబోతున్నాడు. రీసెంట్ గా తన కొత్త సినిమా గూఢచారి ఫస్ట్ లుక్ కాన్సెప్ట్ టీజర్ ని రిలీజ్ చేశాడు. అందులో శేష్ గన్ తో అద్దాన్ని పేల్చడంతో బుల్లెట్ వచ్చే లుక్ చూస్తుంటే శేష్ గూఢచారి గా రెడీ అవుతున్నాడు అనే ఆలోచనను కలిగిస్తోంది.

ఈ స్పై థ్రిల్లర్ మూవీని శశికాంత్ తిక్క తెరకెక్కిస్తుండగా శ్రీచరణ్ సంగీతాన్ని అందిస్తున్నాడు. అభిషేక్ పిక్చర్స్ చిత్రాన్ని కాస్ట్లీ గా నిర్మిస్తున్నట్లు తెలుస్తోంది. శేష్ సరసన హీరోయిన్ గా మిస్ ఇండియా శోభిత ధూళిపాల నటిస్తోంది. ఇక త్వరలోనే సినిమా రెగ్యులర్ షూటింగ్ ను మొదలు పెట్టి సినిమా ఫస్ట్ లుక్ ని డిసెంబర్ 17న రిలీజ్ చెయ్యాలని చిత్ర యూనిట్ భావిస్తోంది. ఇక సినిమాను మాత్రం నెక్స్ట్ ఇయర్ రిలీజ్ చెయ్యాలని అనుకుంటున్నారు.