పవన్‌ అభిమానులకు షాక్‌ ఇచ్చిన అడవి శేష్‌

మెగా అభిమానులకు ఎంత మంది వారసులు వచ్చినా కూడా పవన్‌ కళ్యాణ్ తనయుడు అకీరా రాక ఎప్పుడు అన్నట్లుగా ఎదురు చూస్తున్నారు. మెగా ఫ్యామిలీ నుండి ఇప్పటి వరకు వచ్చిన హీరోలు ఒక ఎత్తు అయితే.. ఇక నుండి రాబోతున్న పవన్‌ వారసుడు అకీరా ఒక ఎత్తు అన్నట్లుగా అభిమానులు ఆసక్తిగా ఎదురు చూస్తున్నారు. అదుగో ఇదుగో అంటూ అకీరా ఎంట్రీ గురించి అప్పుడే చర్చ కూడా మొదలు అయ్యింది.

అకీరా సినిమాకు కథ సిద్దం అయ్యిందని... ఈయనే దర్శకుడు అంటూ కూడా కొందరు ఊహాగాణాలు సోషల్‌ మీడియా ద్వారా చెప్పే ప్రయత్నం చేస్తున్నారు. అకీరా సినిమా విషయంలో ఉన్న సస్పెన్స్ కు అడవి శేష్‌ ఒక క్లారిటీ ఇచ్చే ప్రయత్నం చేశాడు. ప్రస్తుతానికి అకీరా కు సినిమా లు అంటే పెద్దగా ఇంట్రెస్ట్‌ లేదు. అతడు ఇండస్ట్రీలో అడుగు పెట్టాలని భావించడం లేదు అంటూ షాకింగ్‌ విషయాన్ని చెప్పాడు.

అడవి శేష్‌ అంటే అకీరాకు ప్రత్యేకమైన అభిమానం. అడవి శేష్‌ నటించిన దాదాపు అన్ని సినిమాలను కూడా అకీరా చూశాడు. ఇద్దరి మద్య మంచి సన్నిహిత్యం ఉంది.

ఇటీవల మేజర్ సినిమా ప్రమోషన్ సందర్బంగా శేష్‌ స్పందిస్తూ అకీరా తో తనకు ఉండే బాండింగ్‌ ను గురించి వివరించాడు. ఇద్దరు వారం వారం కలుస్తారట. అంతే కాకుండా ఆ సమయంలో పలు విషయాల గురించి చర్చించుకుంటారట.

ఇంకా అడవి శేష్‌, అకీరా గురించి మాట్లాడుతూ... అకీరాకు సినిమాలపై అంతగా ఆసక్తి లేదు. ప్రస్తుతం అకీరా మ్యూజిక్‌ నేర్చుకుంటున్నాడు. కొన్ని వాయిద్య పరికరాలను అద్బుతంగా వాయిస్తాడు. చాలా సార్లు తను సొంతంగా ట్యూన్‌ చేసిన మ్యూజిక్‌ ను అకీరా నాకు పంపిస్తూ ఉంటాడు. వాటిని వింటూ ఉంటే చాలా హాయిగా అనిపిస్తూ ఉంటుంది. అకీరా మనస్థత్వం చాలా విభిన్నంగా ఉంటుందని అడవి శేష్‌ అన్నాడు.

అడవి శేష్‌ మాటలను బట్టి చూస్తుంటే అకీరా సినిమా ఇండస్ట్రీపై ప్రస్తుతం ఆసక్తిగా ఉన్నట్లు అయితే కనిపించడం లేదు. ఈ విషయమై అభిమానులు స్పందిస్తూ.. పవన్‌ కూడా ఆసక్తి లేకుండానే ఇండస్ట్రీలో అడుగు పెట్టాడు. ఇష్టంతో అడుగు పెట్టడం కంటే ఇలా ఆసక్తి లేకుండా ఎంట్రీ ఇస్తేనే ఎక్కువ విభిన్నమైన సినిమాలు చేయవచ్చు. అందుకే తండ్రి మాదిరిగానే అకీరా కూడా ఖచ్చితంగా ఇండస్ట్రీలో అడుగు పెట్టి స్టార్‌ గా నిలవడం ఖాయం అంటున్నారు.