స్టోరీ - స్క్రీన్ ప్లే - డైరెక్షన్ - యాక్టెడ్ బై 'పవర్ స్టార్ డాటర్'..!

రేణు దేశాయ్... పవన్ కళ్యాణ్ మాజీ భార్య. పవర్ స్టార్ పవన్ కళ్యాణ్ నుంచి విడిపోయిన తరవాత రేణు దేశాయ్ తన ఇద్దరు పిల్లలతో కలిసి పుణేలో ఉంటున్న విషయం తెలిసిందే. కొడుకు అకీరా నందన్ - కూతురు ఆద్యలకి తండ్రి దూరంగా ఉన్నా ఆ లోటు తెలియనీయకుండా పెంచుతోంది రేణు. ఇక పవన్ కళ్యాణ్ కూడా వీలు కుదిరినప్పుడల్లా వెళ్లి పిల్లల్ని చూసుకొని వస్తుంటాడు. రేణు దేశాయ్ తన పిల్లలు పవన్ కళ్యాణ్ పిల్లలుగా కాకుండా సామాన్యమైన నిరాడంబర జీవితాన్ని గడపాలని కోరుకుంటున్నాని పలు సందర్భాల్లో చెప్పింది. అంతేకాకుండా 'తన కొడుకుని జూనియర్ పవర్ స్టార్ అనడం ఇష్టం లేదని.. తనకంటూ సొంత ఐడెంటిటీ క్రియేట్ చేసుకుంటూ పెరగాలని' గతంలో చాలా సందర్భాల్లో చెప్పిన విషయం తెలిసిందే. సినిమాలకు దూరమైనా సోషల్ మీడియాలో అభిమానులకు టచ్ లో ఉంటూ వస్తోంది. అకీరా నందన్ - ఆద్యలకి సంబంధించిన ఫొటోలను వీడియోలను ఎప్పటికప్పుడు సోషల్ మీడియా ద్వారా పోస్ట్ చేస్తూ పవన్ కళ్యాణ్ ఫ్యాన్స్ ని ఆనందపరుస్తూ ఉంటుంది. ఆన్లైన్ లో లైవ్ సెషన్స్ కి వస్తూ అభిమానులు అడిగే వాటికి సమాధానాలు ఇస్తూ ఉంటుంది.

ఈ నేపథ్యంలో ఇన్స్టాగ్రామ్‌లో ఇప్పటికే పవన్ కూతురు ఆద్యకు సంబంధించిన ఫొటోలను వీడియోలను షేర్ చేసిన రేణు.. తాజాగా ఆద్యలోని మల్టీటాలెంట్‌ ను ప్రేక్షకులకు చూపిస్తూ వీడియో రిలీజ్ చేశారు. ఇందులో డాక్టర్‌ ఆద్యగా.. పేషెంట్‌ ఆద్యగా ద్విపాత్రాభినయం చేసింది మెగా వారసురాలు ఆద్య. ఈ ఫన్నీ వీడియో కాన్సెప్ట్ రచన - డైరెక్షన్ - యాక్టింగ్ - ఎడిటింగ్ అంతా ఆద్యనే అంటూ ఇన్ స్టా‌గ్రామ్‌లో వీడియో పోస్ట్ చేసింది రేణు దేశాయ్. ఈ వీడియోలో ఆద్య.. 'ఐ హావ్ సమ్ బ్యాడ్ న్యూస్' మరియు 'ఐ హావ్ సమ్ రియల్లీ బ్యాడ్ న్యూస్' అంటూ చెప్పుకొచ్చింది. ఈ వీడియో ఇప్పుడు సోషల్ మీడియాలో వైరల్ అయింది. మొత్తానికి మెగా వారసుడు అఖిరా నందన్ వెండితెరపైకి రావడం లేటు కావొచ్చేమో కాని.. మెగా వారసురాలు ఆద్య మాత్రం ఎంట్రీ ఇవ్వడం ఖాయమనే అనిపిస్తోంది. ఇప్పటికే మెగా ఫ్యామిలీ నుంచి ఒక డజను మందికి పైగా నటీనటులు పరిచయమయ్యారు. మరి త్వరలోనే ఈ మెగా వారసుల ఎంట్రీ కూడా ఉంటుందేమో చూడాలి. ఇకపోతే రేణు దేశాయ్ ద‌ర్శ‌క‌త్వం వ‌హించిన‌ 'ఇష్క్ వాలా లవ్' సినిమాలో అకీరా న‌టించాడు. మెగా వారసుడు అకిరా నంద‌న్ ను తెలుగు తెర‌కు ప‌రిచ‌యం చేయాల‌ని ద‌ర్శ‌క నిర్మాత‌లు ఇప్ప‌టినుంచే పోటీ ప‌డుతున్నారు.