ఆఫ్రికా తెగ వీళ్ళకెలా తగిలిందబ్బా..

అఖిల్ ఆడియోతోపాటే వచ్చిన థియేట్రికల్ ట్రైలర్ అదిరిపోయింది. డ్యాన్సులు - ఫైట్లు - స్టైలింగ్ - పెర్ఫామెన్స్.. ఇలా ఏ విషయంలోను కొత్త హీరో మూవీ ట్రైలర్ చూస్తున్న ఫీలింగ్ కలగలేదంటే... అది డైరెక్టర్ - హీరోల ఎక్స్ ట్రార్డినరీ ఎఫర్ట్ అని చెప్పాల్సిందే. అఖిల్ ట్రైలర్ లో ఆకట్టుకున్న మరో విషయం ఏంటంటే ఆటవిక తెగ వ్యక్తులు. టాలీవుడ్ లో లేటెస్ట్ గా డిస్కషన్స్.. అఖిల్ స్టోరీ గురించే. ఈ ట్రైలర్ లో కనిపించింది ఆఫ్రికాకు చెందిన ఓ ఆదివాసీ తెగ. భూమధ్య రేఖకు దగ్గరగా ఉన్న ప్రాంతంలో జరిగే కథే అఖిల్ అని టాక్ వినిపిస్తోంది.

ఓ సమాజానికి జరిగే అన్యాయంపై అఖిల్ పోరాటం చేస్తున్నాడనే విషయాన్ని.. ట్రైలర్ ద్వారా గెస్ చేయచ్చు. ఇంతకీ ఆ తెగకు, అఖిల్ కి ఉన్న లింక్ ఏంటో తెలియాలి.. ఇలా ఆఫ్రికాకు చెందిన చెందిన కాన్సెప్ట్ నే ఫుల్ లెంగ్త్ గా తీసుకుని తెలుగులో సినిమా రాకపోయినా.. సాయిధరం తేజ్ హీరోగా వెస్టిండీస్ నేటివిటీతో వైవీఎస్ చౌదరి రేయ్ అనే మూవీ చేశాడు. జయాపజయాల సంగతి పక్కన పెడితే.. ముందు స్టోరీని ఓన్ చేసుకోవడం మనవాళ్ల వల్ల కాలేదు.

ఇక మెహర్ రమేష్ కూడా జూనియర్ ఎన్టీఆర్ తో.. శక్తి అని గట్టిగానే ట్రై చేశాడు. ఆ మూవీ అన్ని రకాలుగా బాగానే ఉన్నా.. స్టోరీ బేస్ ఈజిప్టుకి షిఫ్ట్ కావడంతో.. మనోళ్లకు ఎక్కలేదు. ఇప్పుడు అఖిల్ కంప్లీట్ గా ఆఫ్రికానే మెయిన్ పాయింట్ గా లీడ్ చేస్తున్నాడనిపిస్తోంది. అయితే.. ఆ సినిమాలు తీసిన డైరెక్టర్ లతో పోల్చితే... వినాయక్ స్టైల్ వేరు. అందుకే ట్రైలర్ రిలీజ్ తర్వాత ఎక్స్ పెక్టేషన్స్ బాగా ఎక్కువయ్యాయి. అయినా.. ఆఫ్రికా పాయింట్ వీళ్లకు ఎలా లింక్ అయిందో?