ఏజెంట్ ఆత్రేయ కలెక్షన్లు జోరుగా ఉన్నాయే!

ఈమధ్య కొన్నేళ్ళలో తెలుగు ప్రేక్షకుల అభిరుచుల్లో నిజంగా మార్పు వచ్చింది. కంటెంట్ ఉంటే చాలు.. అది చిన్న సినిమానా.. పెద్ద సినిమానా..కొత్త హీరోనా.. స్టార్ హీరోనా అని చూడకుండా హిట్ చేస్తున్నారు. అదే కంటెంట్ లేకపోతే ఎంత పెద్ద సినిమా అయితే మొదటి రోజు మ్యాట్నీ నుంచి గుడ్ బై చెప్పేస్తున్నారు. ఈ మార్పు వల్ల కొత్త ఫిలిం మేకర్లు.. కొత్తహీరోలకు తమ టాలెంట్ నిరూపించుకునే అవకాశం దక్కుతోంది. ఇలా తాజాగా ప్రేక్షకుల ప్రశంసలు.. సెలబ్రిటీల అభినందనలు అందుకుంటున్న చిత్రం యాస్ ఆత్రేయ.. అదేనండీ 'ఏజెంట్ సాయి శ్రీనివాస్ ఆత్రేయ'.

లాస్ట్ ఫ్రైడే విడుదలైన ఈ సినిమాతో 'ఎఐబీ' ఫేమ్ నవీన్ పోలిశెట్టి హీరోగా టాలీవుడ్ కు పరిచయం అయ్యాడు. ఆరెస్జే స్వరూప్ ఈ సినిమాకు దర్శకుడు. సినిమాకు మంచి టాక్.. పాజిటివ్ రివ్యూస్ రావడంతో కలెక్షన్స్ కూడా డీసెంట్ గా ఉన్నాయి. నాలుగు రోజుల్లో ఈ సినిమా ఆరు కోట్ల రూపాయల గ్రాస్ సాధించి అందరినీ ఆశ్చర్యపరిచింది. ఫుల్ రన్ లో ఈ సినిమా రూ.10 కోట్ల మార్క్ ను దాటడం ఖాయమేనని ట్రేడ్ వర్గాలవారు అంటున్నారు. ఈ సినిమాకు అర్బన్ ఏరియాస్.. ఎ సెంటర్లలో రెస్పాన్స్ ఎక్కువగా ఉందట. ముఖ్యంగా మల్టిప్లెక్సులో మంచి ఆదరణ దక్కుతోందని సమాచారం.

ఈ సినిమాలో నవీన్ పోలిశెట్టి సరసన శృతి శర్మ హీరోయిన్ గా నటించింది. మార్క్ రాబిన్ ఈ చిత్రానికి సంగీతం అందించాడు. ఈ సినిమాను స్వధర్మ్ ఎంటర్టైన్మెంట్ బ్యానర్ పై రాహుల్ యాదవ్ నక్కా నిర్మించారు.