అక్కినేని అఖిల్ `ఏజెంట్` కి టైమ్ ఫిక్స్‌

`మోస్ట్ ఎలిజిబుల్ బ్యాచిల‌ర్‌` హిట్ తో చాలా రోజుల త‌రువాత ట్రాక్ లోకి వ‌చ్చారు అక్కినేని వారి హీరో అఖిల్ అక్కినేని. ఈ మూవీ అందించిన ఉత్సాహంతో భారీ చిత్రానికి శ్రీ‌కారం చుట్టారు. అఖిల్ అక్కినేని న‌టిస్తున్న తాజా చిత్రం `ఏజెంట్‌`. స్టైలిష్ డైరెక్ట‌ర్ సురేంద‌ర్ రెడ్డి ఈ భారీ చిత్రాన్ని తెర‌కెక్కిస్తున్నారు.

ఏకే ఎంట‌ర్ టైన్ మెంట్స్ , స‌రెండ‌ర్ 2 సినిమా బ్యాన‌ర్ ల‌పై సుంక‌ర రామ‌బ్ర‌హ్మం ఈ మూవీని నిర్మిస్తున్నారు. మాలీవుడ్ స్పై థ్రిల్ల‌ర్ ల త‌ర‌హాలో అత్యంత లావిష్ గా రూపొందుతున్న ఈ మూవీలో మల‌యాళ మెగాస్టార్ మోహ‌న్ లాల్ కీల‌క పాత్ర‌లో న‌టిస్తున్నారు.

స్టైలిష్ యాక్ష‌న్ థ్రిల్ల‌ర్ గా రూపొందుతున్న ఈ మూవీ షూటింగ్ ప్ర‌స్తుత హైద‌రాబాద్ లో జ‌రుగుతోంది. ఎన్నో ప్ర‌త్యేక‌త‌ల‌తో అఖిల్ అక్కినేని కెరీర్ లోనే అత్యంత భారీ బ‌డ్జెట్ లో రూపొందుతున్న క్రేజీ మూవీగా రానున్న ఈ చిత్ర రిలీజ్ డేట్ ని మేక‌ర్స్ శుక్ర‌వారం సాయంత్రం అధికారికంగా ప్ర‌క‌టించేశారు.

హాలీవుడ్ టెక్నీషియ‌న్స్ వ‌ర్క్ చేస్తున్నా హైలీ టెక్నిక‌ల్ వండ‌ర్ గా రూపొందుతున్న ఈ మూవీని ఆగస్టు 12న వ‌ర్ల‌డ్ వైడ్ గా రిలీజ్ చేయ‌బోతున్నామ‌ని మేక‌ర్స్ ప్ర‌క‌టించారు.

ఇండిపెండెన్స్ డేకి స‌రిగ్గా మూడు రోజుల ముందు ఈ చిత్రాన్ని వ‌ర‌ల్డ్ వైడ్ గా థియేట‌ర్లలోకి భారీ స్థాయిలో విడుద‌ల చేస్తున్న‌ట్టుగా చిత్ర భృందం ప్ర‌క‌టించడం ఆస‌క్తిని రేకెత్తిస్తోంది. అంత‌ర్జాతీయ తీవ్ర‌వాదం నేప‌థ్యంలో దేశ భ‌ర్తి ప్ర‌ధానంగా రూపొందుతున్న ఈ మూవీ రిలీజ్ కి ఇండిపెండెన్స్ డే క‌రెక్ట్ టైమ్ గా భావించిన చిత్ర బృందం ఆ డేట్ ని ఫిక్స్ చేసుకున్నార‌ట‌.

ఇండిపెండెన్స్ డే సోమ‌వారం రాబోతోంది. అంటే ఈ మూవీ రిలీజ్ నుంచి ఇండిపెండెన్స్ డే వ‌ర‌కు దాదాపు 4 రోజులు వీకెండ్ టైమ్ వుంటుంది. ఇది ఈ మూవీకి చాలా అడ్వాంటేజ్ అవుతుంద‌ని ప్రీ ప్లాన్డ్ గా ఈ డేట్ ని మేక‌ర్స్ ఎంచుకున్న‌ట్టుగా తెలుస్తోంది.

ఈ చిత్రంలో అఖిల్ అక్కినేని స‌రికొత్త అవ‌తారంలో కనిపించ‌బోతున్నాడు. అత‌నిలోని యాక్ష‌న్ యాంగిల్ ని స‌రికొత్త వేలో సురేంద‌ర్ రెడ్డి ప్ర‌జెంట్ చేస్తున్నార‌ట‌. అంతే కాకుండా ఈ చిత్రంలో అఖిల్ క్యారెక్ట‌ర్ చాలా ప‌వ‌ర్ ఫుల్ గా ర‌ఫ్ గా వుంటుంద‌ని ఇటీవ‌ల విడుద‌ల చేసిన అఖిల్ లుక్స్ ని బ‌ట్టి ఓ క్లారిటీ వ‌చ్చేసింది.

తాజాగా రిలీజ్ డేట్ ని ప్ర‌క‌టిస్తూ మేక‌ర్స్ రిలీజ్ చేసిన న్యూ పోస్ట‌ర్ లో అఖిల్ ఇంత వ‌ర‌కు చూడ‌ని లుక్ లో చాలా ప‌వ‌ర్ ఫుల్ గా మెషిన్ గ‌న్ ప‌ట్టుకుని క‌నిపిస్తున్న తీరు సినిమాపై అంచ‌నాల్ని పెంచేస్తోంది.

అంతే కాకుండా పోస్ట‌ర్ పై `ది వైల్డ్ వ‌న్` అంటూ క్యాప్ష‌న్ ఇచ్చిన తీరు సినిమాలో అఖ‌ల్ పాత్ర చాలా వైల్డ్ గా రియాక్ట్ అయ్యేలా వుంటేంద‌ని తెలుస్తోంది. మ‌ల‌యాళ మోగాస్టార్ మ‌మ్ముట్టి కీల‌క పాత్ర‌లో న‌టిస్తున్న ఈ మూవీలో న్యూ హీరోయిన్ సాక్షీ వైద్య న‌టిస్తోంది. తెలుగులో ఆమెకు ఇదే తొలి చిత్రం.

స్టైలిష్ యాక్ష‌న్ స్పై థ్రిల్ల‌ర్ గా రూపొందుతున్న ఈ చిత్రానికి వ‌క్కంతం వంశీ క‌థ అందించారు. హిప్ హ‌ప్ త‌మిళ సంగీతం అందిస్తున్న ఈ చిత్రానికి ర‌సూల్ ఎల్లోర్ సినిమాటోగ్రాఫ‌ర్ గా, న‌వీన్ నూలి ఎడిట‌ర్‌గా, అవినాష్ కొల్ల ఆర్ట్ డైరెక్ట‌ర్ గా వ్య‌వ‌హ‌రిస్తున్నారు. అఖిల్ కెరీర్ లోనే ఈ మూవీ వండ‌ర్స్ ని క్రియేట్ చేయ‌డం ఖాయం అని ఇన్ సైడ్ టాక్‌.