అజ్ఞాతవాసి.. అప్పుడే 1 మిలియన్ క్లబ్బులో

పవర్ స్టార్ పవన్ కళ్యాణ్ అజ్ఞాతవాసి సినిమా మరి కొన్ని గంటల్లో ఇండియాలో రిలీజ్ కాబోతోన్న సంగతి తెలిసిందే. ఉదయం 8 ఎప్పుడు అవుతుందా అని ప్రతి ఒక్క అభిమాని ఎదురుచూస్తున్నారు. అయితే ప్రవాసులు మనకంటే ముందే మొదటి షోను చూసేశారు. అక్కడ భారీ స్థాయిలో ప్రీమియర్స్ షోలు పడనున్నాయి అని గత కొంత కాలంగా సోషల్ మీడియాలో న్యూస్ లు హల్ చల్ చేస్తోన్న సంగతి తెలిసిందే.

అయితే ఫైనల్ గా మొదటి మూడు షోలకి రికార్డ్ స్థాయిలో డాలర్ల వర్షం కురిసింది. మొదట అనుకున్న దానికంటే ఎక్కువ స్థాయిలోనే అందాయి. ప్రస్తుతం అందుకు సంబంధించిన న్యూస్ చాలా వైరల్ అవుతోంది. మంగళవారం ప్రీమియర్స్ కు సంబంధించిన వసూళ్ళను చూసుకుంటే.. ఉదయం 7 గంటలకు $140,000 వచ్చాయి. ఇక 8 గంటలకు $216,774 దక్కాయి. ఇక 10.45 వచ్చేసరికి.. ఎవ్వరూ ఊహించని రీతిలో.. సినిమాకు ఏకంగా $872,137 కలక్షన్లు వచ్చాయి. ఈ ట్రెండ్ను చూస్తుంటే.. ఓవర్సీస్ బాక్స్ ఆఫీసులకు అజ్ఞాతవాసి హెచ్చరికలు పంపినట్లే. చూస్తుంటే సినిమా రికార్డ్ స్థాయిలో కలేక్షన్స్ అందుకుంటుంది అని ఈజీగా అర్ధమవుతోంది. దాదాపు 1.5M మార్క్ ని దాటేస్తుందని అంటున్నారు ట్రేడ్ వర్గాలు.

త్రివిక్రమ్ దర్శకత్వంలో తెరకెక్కిన ఈ సినిమాను రాదాకృష్ణ నిర్మించిన సంగతి తెలిసిందే. హైదరాబాద్ లో ప్రీమియర్స్ పడతాయి అని అందరూ అనుకున్నారు. కానీ చివరి నిమిషంలో అంతా తారుమారయ్యాయి. ఇక ఏపీలో ఈ అర్ధరాత్రి.. తెలంగాణలో రేపు ఉదయం అజ్ఞాతవాసి హంగామా మొదలు కానుంది.