సరికొత్త కంటెంట్ తో కొత్త ఏడాదికి స్వాగతం పలుకుతున్న 'ఆహా'..!

100 శాతం తెలుగు కంటెంట్ తో ప్రేక్షకులకు సరికొత్త వినోదాన్ని పరిచయం చేయాలనే లక్ష్యంతో రూపొందిన ప్రాంతీయ ఓటీటీ ''ఆహా''. ప్రేక్షకుడి అభిరుచికి తగ్గట్టుగా ఎప్పటికప్పుడు సరికొత్త కంటెంట్ ని అందిస్తూ దూసుకుపోతుంది.

కొత్త కొత్త సినిమాలు - వెబ్ సిరీస్ లతో పాటుగా స్పెషల్ టాక్ షోలు - గేమ్ షోలను స్ట్రీమింగ్ పెడుతూ డిజిటల్ ఫ్లాట్ ఫార్మ్స్ లో నూతన ఒరవడి తీసుకొచ్చింది. అందుకే అనతి కాలంలోనే విశేష ఆదరణ దక్కించుకుని.. సబ్ స్క్రైబర్స్ పెంచుకుంటూ పోతోంది. ఈ నేపథ్యంలో దిగ్గజ ఓటీటీలకు ధీటుగా నిలిచింది.

ఇటీవలే 'ఆహా 2.0' వెర్షన్ ను అందుబాటులోకి తీసుకొచ్చిన తెలుగు ఓటీటీ.. సరికొత్త ఫీచర్స్ తో వీక్షకులకు రెట్టింపు ఎంటర్టైన్మెంట్ అందించడానికి రెడీ అయింది. ఈ క్రమంలో ఏడాది చివరి మాసంలో ఫ్రెష్ కంటెంట్ ని ప్రసారం చేస్తోంది.

'ఆహా' ఓటీటీలో నందమూరి బాలకృష్ణ తొలిసారిగా హోస్ట్ గా వ్యవహరిస్తున్న 'అన్ స్టాపబుల్' టాక్ షో విజయవంతంగా నడుస్తోంది. ప్రస్తుతం రాజమౌళి గెస్టుగా వచ్చిన ఎపిసోడ్ స్ట్రీమింగ్ అవుతుండగా.. రాబోయే రోజుల్లో మహేష్ బాబు - అల్లు అర్జున్ - రవితేజ వంటి ముగ్గు స్టార్ హీరోలు బాలయ్య షోలో సందడి చేయనున్నారు.

అలానే గ్లామరస్ యాంకర్ శ్రీముఖి హోస్ట్ గా చేస్తున్న 'చెఫ్ మంత్ర' కుకింగ్ ప్రోగ్రామ్ కూడా ప్రేక్షకులను అలరిస్తోంది. మరోవైపు యాంకర్ ప్రదీప్ మాచిరాజుతో ప్లాన్ చేసిన 'సర్కార్' గేమ్ షో వీక్షకులను ఆకట్టుకుంటోంది. వీటికి తోడు లేటెస్ట్ సూపర్ హిట్ సినిమాలు ఎలాగూ ఉన్నాయి.

'లవ్ స్టొరీ' 'మోస్ట్ ఎలిజిబుల్ బ్యాచిలర్' తో పాటుగా 'మంచి రోజులు వచ్చాయి' 'పుష్పక విమానం' 'అనుభవించు రాజా' 'రొమాంటిక్' వంటి సరికొత్త సినిమాలు 'ఆహా' లో స్ట్రీమింగ్ అవుతున్నాయి. రాబోయే రోజుల్లో మరికొన్ని బ్లాక్ బస్టర్ మూవీస్ ఓటీటీలో అందుబాటులోకి రానున్నాయి.

ఇక వెబ్ సిరీస్ లతోనూ ప్రాంతీయ ఓటీటీ సత్తా చాటుతోంది. ఇప్పటికే '3 రోజెస్' 'అల్లుడు గారు' మంచి స్పందన తెచ్చుకోగా.. త్వరలో 'సేనాపతి' 'ది అమెరికన్ డ్రీమ్' 'క్రిస్మస్ తాత' వంటి ఒరిజినల్స్ రాబోతున్నాయి. అంతేకాదు ‘తెలుగు ఇండియన్ ఐడల్’ అనే మరో సరికొత్త ప్రోగ్రామ్ కి తో ఆహా శ్రీకారం చుడుతోంది.

ఇండియన్ ఐడల్ ప్రోగ్రాం సింగర్స్ కి దేశంలోనే అతి పెద్ద ప్రోగ్రాం. అందులో పార్టిసిపేట్ చేయాలని, విన్ అవ్వాలని ఎంతోమంది సింగర్స్ కలలు కంటారు. మన తెలుగు నుంచి కూడా చాలా మంది ఈ షోలో పార్టిసిపేట్ చేసి కొంతమంది ఇండియన్ ఐడల్ గెలిచారు కూడా. అయితే తాజగా త్వరలో తెలుగు ఇండియన్ ఐడల్ రానుంది.

తెలుగు సింగింగ్‌ టాలెంట్‌ ను ప్రపంచానికి పరిచయం చేయాలనే ఉద్దేశంతో 'ఆహా' ఈ సరికొత్త రియాలిటీ షోకు ప్లాన్‌ చేసింది. ఇండియన్ ఐడల్ మాదిరిగానే కేవలం తెలుగు సింగర్స్ కోసం 'తెలుగు ఇండియన్ ఐడల్' షో చేయనున్నారు. దీనికి ఇండియన్ ఐడల్ విన్నర్ రేవంత్ హోస్ట్ గా వ్యవహరించబోతున్నాడు. డిసెంబర్‌ 26న ఈ షో కోసం ఆడిషన్స్‌ నిర్వహించనున్నారు. ఇలా తెలుగు ఓటీటీ ఫ్లాట్ ఫార్మ్ 'ఆహా' ఫ్రెష్ కంటెంట్ తో కొత్త ఏడాదికి స్వాగతం పలుకుతోంది.