సినిమాలు వెబ్‌ సిరీస్ లు షో లతో సెప్టెంబర్ 'ఆహా' అవ్వనుంది

తెలుగు ఓటీటీ ప్లాట్ ఫామ్ ఆహా వచ్చి తక్కువ కాలం అయినా కూడా ఎప్పటి నుండో ఓటీటీ రంగంలో నిలదొక్కుకున్న ప్లాట్ ఫామ్స్ కు పోటీగా నిలుస్తుంది. పెద్ద ఎత్తున ఆహా వారు ఇంట్రెస్టింగ్‌ కంటెంట్‌ ను అందించడంతో పాటు ఖాతా పొందేందుకు తక్కువ మొత్తం ఖర్చు అవుతున్న కారణంగా చాలా మంది ఈ ఓటీటీని వినియోగిస్తున్నారు అంటూ విశ్లేషకులు అభిప్రాయం వ్యక్తం చేస్తున్నారు. ఆహా ఓటీటీ లో చిన్న సినిమాలు.. డబ్బింగ్ సినిమాలు.. టాక్ షో లు.. కుకింగ్ షో.. వెబ్‌ సిరీస్ లు ఇలా ఎన్నో రకాలుగా స్ట్రీమింగ్‌ అవుతున్నాయి.

ఆహా సబ్‌స్క్రిప్షన్ తీసుకుంటే ఫుల్‌ వినోదం అన్నట్లుగా కామెంట్స్ వస్తున్నాయి. అందుకే చాలా మంది ఆహా ఖాతాదారులు అవుతున్నారు. ప్రతి వారం కూడా కొత్త కంటెంట్ ను ప్రేక్షకుల ముందుకు తీసుకు వస్తూ ఆహా అనిపిస్తున్నారు. నేటి నుండి సెప్టెంబర్‌ ప్రారంభం అయిన నేపథ్యంలో ఈ నెలలో రాబోతున్న తమ వెబ్‌ సిరీస్‌లు సినిమాలు మరియు షో లకు సంబంధించిన వివరాలను ఆహా వారు వెళ్లడించారు. ఆహా లో ఈ నెలలో ఫుల్‌ వినోదం ను అందించబోతున్నారు. డబ్బింగ్‌ సినిమాలు.. డైరెక్ట్‌ సినిమాలు ఇంకా షో లు వెబ్‌ సిరీస్ లు ఇలా ఎన్నో రకాలుగా ఆహా ప్రేక్షకులను ఎంటర్‌ టైన్‌ చేసేందుకు సిద్దం అయ్యింది.

యంగ్‌ హీరో సంతోష్‌ శోభన్‌ నటించిన 'ది బేకర్‌ అండ్ ది బ్యూటీ' వెబ్ సిరీస్ ను సెప్టెంబర్‌ 10 న స్ట్రీమింగ్‌ చేయబోతున్నారు. ఈ వెబ్ సిరీస్ నిర్మాణంలో అన్నపూర్ణ స్టూడియోస్ ఉండటం వల్ల అంచనాలు భారీగా ఉన్నాయి. మంచు లక్ష్మి కుకింగ్ షో ఆహా భోజనంబు కొత్త ఎపిసోడ్స్ వరుసగా వారం వారం రాబోతున్నాయి. ఇక హీరో సుశాంత్ నటించిన ఇచట వాహనాలు నిలుపరాదు సినిమా ఇటీవలే ప్రేక్షకుల ముందుకు వచ్చింది. థియేటర్ల ద్వారా విడుదల అయిన ఈ సినిమా ను ఈనెల 17న ఆహాలో స్ట్రీమింగ్ చేసేందుకు సిద్దం చేస్తున్నారట. ఇవే కాకుండా మలయాళంలో హిట్ అయిన రెండు సినిమాలను కూడా డబ్బింగ్‌ చేసి విడుదల చేయబోతున్నారు. ఈమద్య కాలంలో ఆహాలో వచ్చిన మలయాళం డబ్బింగ్ సినిమాలకు మంచి సక్సెస్‌ దక్కింది. కనుక ఆహా ఈ నెలలో మరింత వినోదంను అందించడం ఖాయం అని నెటిజన్స్ కామెంట్స్ చేస్తున్నారు.