ఫోటో స్టోరి: ఓవైపు గొడ‌వ‌ల‌వుతుంటే `గ్రామ్` మిస్స‌య్యానంటోంది!

అస‌లే బాలీవుడ్ లో గొడ‌వ‌ల‌వుతున్నాయ్. డ్ర‌గ్స్ దందాలో మాఫియా విష‌యాల‌న్నీ బ‌య‌ట‌ప‌డుతున్నాయి. ఎన్.సి.బి ద‌ర్యాప్తులో ప‌లువురు క‌థానాయిక‌ల పేర్లు రివీలైపోతున్నాయి. ఇందులో గ్రామ్ మాద‌క ద్ర‌వ్యాలు పుచ్చుకున్నారు! అంటూ ద‌ర్యాప్తులో వెల్ల‌డ‌వుతోంది.

స‌రిగ్గా ఇలాంటి టైమ్ లో ఆ యంగ్ హీరోయిన్ పోస్టింగ్ మార్మికంగా మారింది. స‌ద‌రు ముద్దుగుమ్మకు ఇటీవ‌ల ప‌బ్లిసిటీ పిచ్చి శ్రుతి మించుతోంది. ఆ క్ర‌మంలోనే టైమింగ్ చూసి టైంబాంబులా విరుచుకుప‌డుతోంది. తాజాగా అదిరిపోయే గ్లామ‌ర‌స్ ఫోటోని షేర్ చేసిన ఐషా శ‌ర్మ డ‌బుల్ మీనింగ్ డైలాగ్ తో కంగారు పెట్టింది. `గ్రామ్` అంటూ ప్ర‌స్థావించి లేనిపోని డౌట్లు పెట్టేసింది.

ఆ ఫోటోకి ఇచ్చిన క్యాప్ష‌న్ లో ఏం ఉంది? అంటే.. ``యు నో ది వాట్ ఐ మిస్డ్ ఎబౌట్ ది `గ్రామ్` ది మోస్ట్ మై వోన్ పోస్ట్స్ అండ్ స్టోరీస్.. హ‌హ‌హ‌హ‌`` అంటూ జోకేసింది. అయితే గ్రామ్ అన్న సౌండింగే చిక్కులు తెచ్చి పెట్టేది. ఇది స‌రైన స‌మ‌యం కాదు జోకులేసేందుకు అంటూ కిసుక్కుమంటున్నారు బోయ్స్.

చిరుత ఫేం నేహాశ‌ర్మ కు ఐషా శ‌ర్మ సోద‌రి అన్న సంగ‌తి తెలిసిందే. బాలీవుడ్ లో ఐషా శ‌ర్మ కెరీర్ ప‌రంగా పెద్ద రేంజ్ కోరుకుంటోంది. అందుకు సోద‌రి కూడా స‌హ‌క‌రిస్తోంది. ఆ ఇద్ద‌రూ క‌లిసి ఇలా టైమ్ చూసి ఇన్ స్టాలో టైమ్ బాంబు లే విసురుతుంటే అవి కాస్తా గుండెల్లో విస్పోట‌నంలా చుట్టేస్తున్నాయి.